ପ୍ରେମ
ପ୍ରେମ
ପାଞ୍ଚ ଅକ୍ଷରରେ , ସୃଷ୍ଟ ଦୁଇ କ୍ଷର,
ନାମ ଅଟେ ତାର ପ୍ରେମ:
ପ ରେ ପରାଣ, ର ରେ ରକ୍ଷକ,
ଏ ରେ ଯେ ଏକତା ନାମ::
ମ ରେ ମମତା, ଅ ରେ ଅନ୍ତର,
ସର୍ବଦା ଯେ ଗୁଞ୍ଜରିତ:
ପ୍ରାଣର ରକ୍ଷକ, ଏକତା ସଦ୍ଭାବ,
ହୃଦୟ ମମତା ପ୍ରୀତ::
ପ୍ରେ ରୁ ଆରମ୍ଭ, ମ ରୁ ଯେ ଶେଷ,
ଅଭିନୟ ମଧ୍ୟସ୍ଥଳ:
ଗାଈ ଯାଇଥାଏ, ଜୀବନର ଗାଥା,
ନେଇ ସମୟ ଓ କାଳ::
ଲେଖି ଦେଇଯାଏ, ଇତିହାସ ପୃଷ୍ଟେ,
ଯୁଗଳ ପ୍ରତୀକ ହୋଇ:
ଦେଇ ଯାଇଥାଏ, ଦୁଃଖ ସୁଖ କିଛି,
ଜୀବନର ଗୀତ ଗାଇ::
ସୃଷ୍ଟିର ଆରମ୍ଭ, ପ୍ରେମରେ ଜଡିତ,
ଭାତୃ ପିତୃ ମାତୃ ପ୍ରେମ:
ପ୍ରେମର ଦୁଆରେ, ଅସରନ୍ତି ପଥ,
ପଥିକ ମାନବ କର୍ମ::
ଆଧୁନିକ ପ୍ରେମ, ମହାକାଳ ଫଳ,
ମରୁଚିକା ସମ ପଥ:
ମଧୁରତା ହୀନ, କାମନା ଜଡିତ,
ଛଳନାରେ ବିଜଡିତ::
ଯୌବନର ଜ୍ୱାଳା, ମତୁଆଲା କରେ,
ଉଦାସୀ ହୃଦୟେ ରହି:
ଲକ୍ଷଭ୍ରଷ୍ଟ କରେ, ଜୀବନ ପଥରୁ,
ଭଗ୍ୟ ଦୋଷ ଗାଥା କହି::
କରନାହିଁ କେବେ, କାମନାର ପ୍ରେମ,
କରିଦିଏ ଲକ୍ଷ ହୀନ:
ନଥାଏ ମମତା, ସମାଜର ବୁକେ,
ହୁଅନା ଯେ ମୂଲ୍ୟହୀନ::
ପବିତ୍ର ପ୍ରେମରେ, ବାନ୍ଧି ହୋଇଯାଅ,
ହୃଦୟେ ଏକତା ନେଇ:
ପିତା ମାତା ଆଉ, ଗୁରୁଙ୍କ ଆଶିଷ,
ଥିବ ସଦା ପ୍ରେମ ହୋଇ::
*****(ମହେଶ୍ୱର ସାହୁ)*****
ଗୋପୀବିନ୍ଧା, ବ୍ରାହ୍ମଣ ଗାଁ,
ବାଲେଶ୍ଵର(ଭଦ୍ରକ)