STORYMIRROR

Alka Mohanty

Romance Inspirational

3  

Alka Mohanty

Romance Inspirational

ପ୍ରେମ ସ୍ୱାଗତିକା

ପ୍ରେମ ସ୍ୱାଗତିକା

1 min
204


ଶୀତ ଅୟନାନ୍ତେ ବସନ୍ତ ପ୍ରବେଶ

ପୁଲକିତ ହୁଏ ଧରା,

ପ୍ରେମ ଋତୁ ର ସେ ମଳୟ ପରଶେ

ଯଉବନ ମଧୁଝରା ।


ସୁବର୍ଣ୍ଣ ଯୁଗର ଆଗମନ ପ୍ରାୟେ

ସ୍ୱାଗତ କୋକିଳ ଗାଏ,

ବକୁଳ ବନର ଅପୂର୍ବ କାନ୍ତି

ପ୍ରେମ ମନ୍ଦାକିନୀ ପ୍ରୟେ ।


ଭିନ୍ନ ଭିନ୍ନ ପୁଷ୍ପ ପ୍ରଫୁଟିତ ହୁଏ

ବସନ୍ତ ସ୍ୱାଗତିକା ରେ,

ରାଧା କୃଷ୍ଣଙ୍କର ଶାଶ୍ଵତ ପ୍ରେମ

ଫଗୁ ଖେଳେ ଏ ଧାମରେ ।


ରାସ କେଳି ସାଥେ ମୁରଲୀ ର ସ୍ୱନ

ହୃଦୟେ ଜାଗ୍ରତ ପ୍ରୀତି,

ଅତି ମନୋରମ ସେ ଦୃଶ୍ୟ ଧାରାରେ

ମନେ ଜାଗେ କେତେ ସ୍ମୃତି ।


ସୁଦିନ ଆସିଛି ପ୍ରେମ ପ୍ରୀତି ସାଥେ

ସୁଖ ,ସମୃଦ୍ଧି ନେଇ,

ଅନ୍ତର ନାହିଁ ପ୍ରଦୋଷ ଗୋଧୂଳି

ଧରଣୀ ଅମୃତମୟୀ ।


Rate this content
Log in