((((ପିଲାଙ୍କ ହସ ରେ)))*********
((((ପିଲାଙ୍କ ହସ ରେ)))*********
ପିଲାଙ୍କ ହସରେ
ସର୍ବଦା ମିଠାରେ
ବଖାଣି କହିବି କେତେ
କହିଲେ ସରେ କି
ତାଙ୍କ ବାହାଦୁରି
ଉଜ୍ଜ୍ୱଳ ଦିଶୁଛି ମୋତେ
ସାଙ୍ଗ ସାଥୀ ମେଳ
ଧୂଳି ବାଲି ଖେଳ
ଦୁନିଆ ଦାଣ୍ଡରେ ଚାଲେ
ଭୋକ ଶୋଷ ଭୁଲି
ସାଙ୍ଗେ ମିଶି ଖେଳି
ହସ ଖୁସି କଟେ ଵାଲ୍ୟେ
ପୁଲକ ପରାଣ
ଝଲସଇ ରହି
କୋମଳ ହୃଦୟ ପିଲେ
କ୍ଷଣ ବିମୋହିନୀ
ଚପଳା ଯେସନ
ଚାରୁ ରେଖା ଦିଶେ ଭଲେ
ପିଲାଏ ଅଟନ୍ତି
ବଗିଚା ର ଫୁଲ
ଜନ ମନ ମୋହିଥାନ୍ତି
ଦେଇ ପାରିବନି
ତାଙ୍କର ମୂଲକୁ
ସଂସାର ଖୁସିର ମୂର୍ତ୍ତି
ମୁଇଁ ଭାବେ ସିଏ
ସରଗର ଦୂତ
ଦୁଃଖେ ହସର ଫୁଆରା
ଅନ୍ତର ର ସାକ୍ଷୀ
ପିତା ମାତା ଦେଖେ
ପିଲା ତାଙ୍କର ନିଆରା
ଜଗତ ଯାକର
ପିଲା ସବୁରିର
ଆକାଶର କୁନି ତାରା
କୁନି ତାରା ଦିନେ
ଉଜ୍ଜ୍ୱଳିବ ମର୍ତ୍ତ୍ୟେ
ନଥିବ ଦୁଃଖ ପସରା
ପିଲାର ହସରେ
ମୁକୁତା ଦିଶେରେ
ଝଟକଇ ପୃଥିବୀରେ
ସମସ୍ତଙ୍କର ସେ
ସ୍ନେହର ମୂରତି
ଦୁଃଖ ନଷ୍ଟ ତା ହସରେ