ଫିବର

  ଘର ଟିଏ ଭାଙ୍ଗିବାକୁ

 ଯଥେଷ୍ଟ ଗୋଟେ ବୁଲଡୋଜର

 ଇଟା ମାଟି ଟିଣ କାଠ ଚାଳଛପର

  ରକ୍ତ ଝାଳ ସ୍ୱପ୍ନ ଆଶା

   ଭରସା ଆଖି ପିଛୁଳାକେ

     ଚୁରମାର୍

  ତମେ ଛାତି କି କରିଦିଅ

      ପଥର ।

  

 ଏବେ ଭୁବନେଶ୍ୱର ରାଉରକେଲା

     ଦେହରେ ପ୍ରବଳ ଜର

      ରୋଗ ଟା ?

      ହକି  ଫିବର  

ତମେ ଅଶିକ୍ଷିତ  ଅସନା  ଅସୁନ୍ଦର

  ଏଠି ସବୁ  ରଂଗିନ

   ରଂଗିଲା ତାର

   ନାଗରୀ  ନାଗର  

 ଆହାର ବିହାର  ଶୃଂଗାର  

     ଏଠି କେବଳ

    ଆମର  ଅଧିକାର ।

 ମୁଣ୍ଡ  କୁ  ଚଡିଛି  ପିତ୍ତ

    କଟକ ର ରକ୍ତ

      ଟକମକ

  ଦେହରେ  ପ୍ରଵଳ ତାତି

   ମନରେ  ମହାନଦୀ ର ଭୋକ ।

  ଶୀତ  ଜାଡ଼  କାକର

   ତମ ସ୍ୱର  ଚିତ୍କାର

  ସେ କଥା  ବୁଝେକି

    ବୁଲଡୋଜର

 ତମେ  ଅସନା  ଅସୁନ୍ଦର  ଅପରିଷ୍କାର

     ସାଟେଲାଇଟ  ର

      ଆଖି  ଖୋଲା

   ଦେଖୁଛି ବିଶ୍ୱ ଦରବାର ।