ଫେରାଇଦିଅ ସେ....
ଫେରାଇଦିଅ ସେ....
ଫେରାଇ ଦିଅ ସେ ତନ୍ଦ୍ରାକୁ ମୋହର
ବନ୍ଧକ ଯେ ତୁମ ପାଶେ
ପଲକ ମୋର ଅନେଇ ବସିଛି
ବାନ୍ଧିବ ତା' ପ୍ରେମ ଫାଶେ।
ଫେରାଇ ଦିଅ ସେ ପ୍ରତୀକ୍ଷା ଦିବସ
ତୁମ ଅପେକ୍ଷାରେ ଥିଲି
କାଟିବି ସେ କାଳ ସ୍ଵଇଚ୍ଛାରେ କିଛି
ଯାହା ଥିଲା ଚୋରାବାଲି।
ଫେରାଇ ଦିଅ ମୋ ସପନ ନଗର
ଗଢିଥିଲି ତୁମ ପାଇଁ
ସେ ନଗରୀ ଏବେ ଦରଭଙ୍ଗା ସମ
ରହିଛି କାହାକୁ ଚାହିଁ।
ଫେରାଇ ଦିଅ ମୋ ଭରସା ବିହଙ୍ଗ
ପୋଷିଥିଲି ତୁମ ପାଇଁ
ମୁକ୍ତ କରିଦେବି ପିଞ୍ଜରା ଭିତରୁ
ଗଗନେ ଉଡିବ ଯାଇ।