ପାରି କର ଆହେ ଦୟାମୟ

ଦେବଙ୍କର ଦେବ ଆହେ ଦୟାମୟ

ପାରିକର ପାରିକର

ତୁମେ ସତ୍ୟ ଶିବ ସୁନ୍ଦର ହେ ଦେବ

ତୁମେ ହିଁ ସଂସାରେ ସାର

ହେ ପ୍ରଭୁ ତ୍ରିଶୂଳ ଧର।

ଶିବ ପଞ୍ଚାକ୍ଷର ଓଁ ନମଃ ଶିବାୟ

ରସନା ରେ ରଟୁ ଥିଲେ

ଷଡ଼ ରିପୁ ପୁଣି ତ୍ରୟ ତାପ ଭୟ

ଦୂରେଇ ଯାଏ ଟି ଭଲେ

ସବୁ ମିଛ ଏଠି ତୁମେ ଏକା ସତ୍ୟ

ତୁମେ ହେ ଭୋଳା ଶଙ୍କର।

ହେ ପ୍ରଭୁ ତ୍ରିଶୂଳ ଧର.....

ଶମଶାନ ଚାରୀ ଦେଵ ତ୍ରିପୁରାରୀ

ତୁମେ ପ୍ରଭୁ ଆଶୁତୋଷ

ତୁମ ନାମ ନେଲେ ବିତେ ଦିନ ଭଲେ

ଦୂର ହୁଏ ଅବଶୋଷ

ହେ ଚନ୍ଦ୍ରଶେଖର ନିବେଦନ ମୋର

ଏ ଭବୁଁ ଉଦ୍ଧାର କର।

ହେ ପ୍ରଭୁ ତ୍ରିଶୂଳ ଧର......