ପାର୍ବଣେ ନବ ଦୁର୍ଗା
ପାର୍ବଣେ ନବ ଦୁର୍ଗା
ନିର୍ମଳ ଆକାଶେ କାସତଣ୍ଡୀ ଫୁଲେ
ଶରତ ରେ ପାଉ ପୂଜା,
ଆଶ୍ୱିନ ମାସର ଶୁକ୍ଳ ପକ୍ଷରେ ମା
ନବରାତି ହୁଏ ପୂଜା ।
ରାକ୍ଷସ ମାନଙ୍କ ଦୁର୍ଗ ନାଶ କରି
ଦୁର୍ଗା ଭାବେ ହେଲୁ ପୂଜିତା,
ଆଦି ଶକ୍ତି ର ପ୍ରଥମ ସ୍ୱରୂପା
ଶୈଳପୁତ୍ରୀ ପାଉ ତୁ ପୂଜା ।
ମନ୍ତ୍ର ଜପାମାଳି କମଣ୍ଡଳୁ ଧାରୀ
ବ୍ରହ୍ମଚାରିଣୀ ତୋ ନାମ,
ଚିତ୍ରଘଣ୍ଟା ନାମେ ଦେବୀ ଉଗ୍ରରୂପ
ଅସ୍ତ୍ର ଶସ୍ତ୍ର ରେ ମାଆ ପୂଜିତ ।
ଦେବୀଙ୍କ ହସରୁ ବ୍ରହ୍ମାଣ୍ଡ ସୃଷ୍ଟି
ଦେବୀ ଅଷ୍ଟଭୁଜା ମା କୁଷ୍ମାଣ୍ଡା,
ଦେବୀ ଚତୁର୍ଭୁଜା କାର୍ତ୍ତିକେୟ ମାତା
ସ୍କନ୍ଦମାତାରୂପେ ପୂଜିତା ।
ଋଷି କାତ୍ୟାୟନ ଙ୍କର କନ୍ୟାରୂପେ
ନାମ ନେଲୁ କାତ୍ୟାୟନୀ,
ବିକଟାଳ ରୂପ ସପ୍ତମ ଦିବସେ
ନାମ ତୋର କାଳରାତ୍ରି ।
ମାତା ମହାଗୌରି, ସିଦ୍ଧି ଦାତ୍ରୀ ଦେବୀ
ପୂଜା ପାଉ ନବ ଦିନ,
ଏ ସାରା ବିଶ୍ୱକୁ ରକ୍ଷା କର ମାତ ।