ପାର୍ବଣ ଋତୁ

ଆଷାଢ଼ ଗଲା, ଶ୍ରାବଣ ଗଲା

ଭାଦ୍ରଵ ଯାଇ, ଆଶ୍ୱିନ ପଦାର୍ପିଲା…

ବିଘ୍ନକର୍ତ୍ତା ବିଘ୍ନେଶଙ୍କ ଆଗମନରେ

ପାର୍ବଣର ଋତୁ ଆସି ପହଞ୍ଚିଲା ॥

ଶରତର ଆଗମନେ

ନିର୍ମଳ ମେଘମାଳ ଦିଶେ ଗଗନେ,…

ଶରଦର ଛୁଆଁରେ

ତୋଫା ଜହ୍ନ ଦିଶେ ସପନେ ॥

ଭଲିକି ରଙ୍ଗର ରଙ୍ଗଣୀ ସାଙ୍ଗକୁ 

କାଶତଣ୍ଡୀ ବଢାଏ ଶୋଭା ଭୁବନେ ॥

ବଗିଚା ବାଡ଼ି, ରାସ୍ତା ଘାଟ

ନଈ ପଠା, ବିଲ ପାଟ

ଚାରିଆଡ ଖିଲି ଖିଲି 

ହସି ଉଠେ ॥

ରଙ୍ଗଣୀ, କାଠଚମ୍ପା,

ଗଙ୍ଗଶିଉଳିର ମହକେ,

ଚାରିଦିଗ ଫୁଲିଉଠେ ॥

ନୂଆଁଖାଇ ଗଲା,

ଖୁଦ ରଙ୍କୁଣିଙ୍କ ପୂଜା ଗଲା

ଆଶ୍ୱିନ ଧକେଇ ପଶି

ଶରଦର ଆଭାସ ଦେଲା ॥

ପାର୍ବଣର ଋତୁ "ଶରଦ"

ଦଶଭୂଜା ମା' ଆସିବେ ବୋଲି

ଆଣିଲା ସେ ସୁସମ୍ବାଦ ॥