ପାଇଛି ମଣିଷ ଜୀବନ
ପାଇଛି ମଣିଷ ଜୀବନ
ମର୍ତ୍ତ୍ୟ ମଣ୍ଡଳରେ ଆମେ
ଜନମ ଲଭିଛେ
ଭାବନାରେ ଶ୍ରେଷ୍ଠ ମନୁଷ୍ୟ
ପରା ହୋଇଛେ ।
ଦିନେ ନା ତ ଦିନେ ଆମେ
ନିଶ୍ଚିତ ମରିବା
ଜନମର ସାର୍ଥକତାକୁ ସଦା
ମନେ ରଖିବା ।
କର୍ମ ଆମର ଅଟେ ଗୁରୁ,
ଏହି କଥା ଭାବିବା
ଜୀବନ ମଧ୍ୟରେ ସଦା
ସୁକର୍ମ କରୁଥିବା ।
ପ୍ରକୃତିଦତ୍ତ ନୀତି ନିୟମକୁ
ମାନି ଚଳିବା,
ନ୍ୟାୟବାନ ସତ୍ୟବାନ ହୋଇ
ବଞ୍ଚି ରହିବା ।
ଯେ ପର୍ଯ୍ୟନ୍ତ ନିଜ ଗୋଡରେ
ହୋଇଛେ ଠିଆ
ହୋଇବାନି ସତ୍ୟ ପଥେ ଚାଲି
କେବେ ଛାନିଆ ।
ଠକ, ଭଣ୍ଡ, ସ୍ୱାର୍ଥ,
ସୁବିଧାବାଦୀ ଡରାଇବେ
ନିତି ଆମକୁ ଲୋଭ
ଦେଖାଇ ଭଣ୍ଡିବେ ।
ଭୀରୁ ହୋଇଲେ ମନଟି, ନିତ୍ୟ
ମରିବି କାପୁରୁଷ ହୋଇ
ଭୟରେ ଲୋଭେ ଯଦି ଯିବା
ଲୋଟି ଯାଇ ।
ଜାଣିଛି ଶୋଇବା ପୁଅର ଭାଗ
ନାହିଁ ସବୁଠି
ସେ ହୁଏ ପରା ଅଣ ଦେଖା
ସର୍ବ ସ୍ଥାନଠି ।
ପାଇଛି ଶିକ୍ଷା, କାର୍ଲମାର୍କ୍ସର
ହୁଙ୍କାରୁ, ଏକତାର
ସେ ଚିତ୍କାରରୁ ହୋଇଛି ତ
ସଚେତନତା ମୋର ।
ମଉନ, ନୀରବ, ଶାନ୍ତ, କାନ୍ତ
ଭାବ ଭାବନାକୁ
ପାଇଛି ଶିକ୍ଷା, କେହି ତ ନବୁଝି
ପାରେ ତାହାକୁ ।
ହତାଶ ନହୋଇ, ସଂଘର୍ଷକୁ ବାହି,
ଚଳେ ଯେଉଁ ନର
ନ୍ୟାୟ ପାଇଁ ଯିଏ ଯୁଝେ ଅମାପ
ବଳ ତାହାର ।
ପ୍ରକୃତି ଦତ୍ତ ନୀତି ନିୟମକୁ
ମାନି କରି ଚଳିଲେ
ମୃତ୍ୟୁ ଲଭି ପାରେ,
ନ୍ୟାୟ ପାଇଁ ଲଢ଼ିଲେ ।
ଲଢ଼ିବା ସମୟେ ସରବେ
ଭୟ ତ୍ୟାଗ କରି
ସତ୍ୟ ପଟେ ହେବା ଠିଆ
ଶପଥ ଆମରି ।
ସାହସ ଭରିଲେ, ଦୂର ହୁଏ
କାତରତାପଣ
ସେଥିପାଇଁ ଦରକାର, ଧୀର
ଓ ସ୍ଥିର ମନ ।
ଗଲା କଥା ତ ଗଲାଣି,
ହୋଇଛି ଅତୀତ
ପୁରୁଣା ଘଟଣା ମନେ ଭାବି
ହେବା କାହିଁକି ଦୁଃଖିତ ।
ଅତୀତର ଭୁଲ୍ ଗୁଡିକରୁ ଶିଖି,
ଦୁଃଚିନ୍ତା ତ୍ୟାଗ କରି
ଚାଲିବି ଜୀବନ ପଥରେ ଆଦର୍ଶ
ଜୀବନର ସିଦ୍ଧାନ୍ତ କରି ।
ବଞ୍ଚିବାର ପାଇଁ ଧ୍ୟାନ ରଖିଥିବା
ସବୁବେଳେ ମୋର ମନରେ
ସଂଗ୍ରାମ ପଥ ସବୁ ଯୁଗରେ ପ୍ରତ୍ୟେକ
ମଣିଷର ଜୀବନରେ ।
ମଣିଷ ଜୀବନ ନୁହଁଇ କେବଳ ଦଣ୍ଡ
ଦିନ ମାସ ବର୍ଷ କେବେରେ
ସମୟକୁ କରିବି ଉପଭୋଗ,
ଗର୍ବ ତ୍ୟାଗ କରି ଜୀବନ ମଧ୍ୟରେ ।
ସମାଜର ମଧ୍ୟେ ଉତ୍ତମ ସମ୍ପର୍କ ରଖି
ଚଳିବା ଭଲ ବୁଝାମଣାରେ
ଜୀବନ ବଞ୍ଚିବାର ପାଇଁ ଧ୍ୟାନ
ରଖିଥିବା ମନରେ ।