ପାହିଲାଣି ଅମାରାତି
ପାହିଲାଣି ଅମାରାତି
ହେ ସମୟ ! ନୀଳପକ୍ଷୀ
ପାହିଲାଣି ଅମାରାତି
ମେଲି ଦେ ତୋ ଆଖିପତା
ମୋ ସୁନା ମନ ମଇନା ଏବେ ଉଠି ଯା ।
ରାବେ କାଉ କାଆ କାଆ
ଡାକେ ରହି କୁମ୍ଭାଟୁଆ
ଘୁମୁରୁଛି ଅଗଣାରେ ଲୋଟଣୀ ପାରା
ଆଧାର ଖୋଜଇ ବଣିଘରଚଟିଆ ଉଡିଲେଣି
ଗାଉଛି କୋଇଲି ଗୀତ ଭାରି ମିଠା ମିଠା
କର ନାହିଁ ମଠ ସୁନା ଏବେ ଉଠି ଯା ।
ଢଳି ଢଳି ଚାଲେ ହ°ସ
ମୟୂର କରଇ ନୃତ୍ୟ
କଅଁଳିଆ ଛନ୍ନଛନ୍ନ ସକାଳର ଖରା
ମୋ ହୃଦୟ ନୀଳକନ୍ଦେ
ନୀଳ ଆଶା ସ୍ୱପ୍ନ ଗୁଞ୍ଜେ
ନିକୁଞ୍ଜେ ମୋ ମନପକ୍ଷୀ କରେ ସଙ୍କଳ୍ପନା
ହେ ସମୟ !
ଉଠିବ ସୁନାଟି ମୋର ଟିକେ ରହି ଯା ।
ହେବ ସିଏ ସଞ୍ଜିବୀତ
ଗାଇବ ଜୀବନ ଗୀତ
ସବୁଜ ସୁନ୍ଦର ତାର ଆଶା ଉପାସନା
ହେଉ ସତ ଚରିତାର୍ଥ
କୃପାକର ଜଗନ୍ନାଥ
ନୀଳପକ୍ଷୀ କର ପୂର୍ଣ୍ଣ ଅମୃତ ଚେତନା
ହେ ସମୟ ! ହୁଅ ଶୁଭ ଅନୁକୂଳ ସୁମନ ଜଗା ।