ପାଦ
ପାଦ
1 min
188
କାର୍ତ୍ତିକ ମାସର
ଶୁକ୍ଳ ନବମୀରେ
କରିବି ପାଦ ଦର୍ଶନ,
ଅନ୍ୟ ଦିନଟିରେ
ମିଳେ ନାହିଁ କେବେ
ସେହି ସୁଯୋଗ ସୁବର୍ଣ୍ଣ ।
ସେହି ପାଦ ମାତ୍ର
ଥରେ ଦେଖି ଦେଲେ
ହେବି ଯିବି ପାପ ଶୂନ୍ୟ,
ସେହି ଦିନ ଠାରୁ
ଖୋଜି ଖୋଜି ସବୁ
ସାଉଁଟିବି ଧର୍ମ ମାନ ।
ମାନସେ ଆସିଲେ
ସେ ପାଦ ଯୁଗଳ
ଦୁନିଆକୁ ଭୁଲିଯାଏ,
ସେଇଥି ପାଇଁ କା
ସକାଳରୁ ସଞ୍ଜ
ଧସେଇ ସେ ଆସୁଥାଏ ।
ହାରେ ଅବା ଜିତେ
ଦୁନିଆରେ ଆଜି
ହୁଏ ଅବା ପରାଜିତ,
ସୁଦୟା କରିଲେ
ରାଧ କୃଷ୍ଣ ଯୁଗ୍ମ
ଜିତିଯିବି ସୁନିଶ୍ଚିତ ।
ସେ ପାଦ ଶାଶ୍ଵତ
ଆଉ ବି ସତୀତ୍ଵ
ଶ୍ରୀରାଧାଙ୍କ ଥିଲା ରହି ,
ମସ୍ତକ ମୋହର
ରାଧା ଓ କୃଷ୍ଣଙ୍କ
ପାଦ ପଦ୍ମେ ଥାଉ ରହି ।