STORYMIRROR

SUKANTA KHANDA

Classics

4  

SUKANTA KHANDA

Classics

ନନ୍ଦୋତ୍ସବ

ନନ୍ଦୋତ୍ସବ

1 min
6



ନନ୍ଦ ଅପୁତ୍ରିକ

ଅପୁତ୍ରିକ ଯଶୋଦା ରାଣୀ ବି...

ବୟସର ସାୟାହ୍ନରେ 

ଆଜି ପିତାମାତା।


ସେମାନେ ତ ଝୁଣ୍ଟି ପଡ଼ିଥିଲେ 

କାହିଁ କେତେ କାଳୁ 

ହରାଇ ଦେଇଥିଲେ ନିଜେ 

ନିଜର ଛାଇକୁ।


ଈଶ୍ୱରଙ୍କୁ ଛାଡି ଦେଇ 

ହାତ ଟେକି ଦେଇଥିଲେ 

ପୂର୍ଣ୍ଣ ସମର୍ପଣ ଭାବରେ।


ସେ ଦିନ କୋଳରେ କୁଆଁକୁଆଁ ରାବ 

ସାରା ଗୋକୁଳ ଆନନ୍ଦେ ବିଭୋର।


ଦେଖ ! 

ଲୋକେ କେମିତି ଉତ୍ସବ ମନାଇଁ 

ନାଚ ଓ ଗୀତରେ ମସଗୁଲ

ଆବାଳ,ବୃଦ୍ଧ ଓ ବନିତା

ଦୋହଲି ଚାଲିଛନ୍ତି 

ଯେମିତି ଗଛ ଡାଳର ପତ୍ର 

ପୋଖରୀ ଭିତରେ ପଦ୍ମ।


କାହାକୁ ଚିହ୍ନିବା ମୁସ୍କିଲ 

ବାପା ନାଚେ ଝିଅ ଗୀ

ତ ଧରେ 

ପୁଅ ନାଚେ ମାଆକୁ କୁଣ୍ଢାଇ 

ଯେମିତି ସାରା ପରିବେଶ ପ୍ରେମରେ ବିଭୋର।


ନନ୍ଦ ଆଉ ଯଶୋଦା

କେହି ବି କମ ନୁହଁନ୍ତି 

ନୃତ୍ୟ ଓ ଗୀତରେ

ଏ ଗୀତ ଧର୍ମର,ଏ ନାଚ ସତ୍ୟର ଜୟ।


ଆକାଶ,ପାତାଳ ଆଉ ଏ ସଂସାର।


ଦେବ ଆଉ ଦେବୀ 

ଆକାଶ ବୁକୁରେ

ହାତ ଯୋଡ଼ି ଅନେଇଁ ରହିଛନ୍ତି 

ଯେମିତି ହଜିଲା ଏ ଧନଟେ

ଏବେ ପାଇଗଲେ।


ନନ୍ଦ ଆଖିରେ ଲୁହ

ଯଶୋଦା ହୃଦୟରେ ବାତ୍ସଲ୍ୟ ମମତା।


କିଏ ଧରିବ କୃଷ୍ଣଙ୍କୁ

ବାପା,ମାଆ ନା ଗାଁ'ର ନରନାରୀ?


କେବଳ ଆଖି ପୂରେଇବେ

ଦଣ୍ଡେ ନ ଛାଡ଼ିବାକୁ

କେବଳ ହିଁ କେବଳ 

ପ୍ରେମରେ ପ୍ରେମରେ ପାଗଳ

ଯେମିତି କ୍ଷୀର ଆଉ ନୀର।

   


Rate this content
Log in

Similar oriya poem from Classics