ନମସ୍ତେ ପ୍ରଭୁ ବିଶ୍ବକର୍ମା

      ନମସ୍ତେ ପ୍ରଭୁ ବିଶ୍ବକର୍ମା   
       ============
ନମସ୍ତେ ପ୍ରଭୁ ବିଶ୍ବକର୍ମା l
      ପିତା ଯାହାଙ୍କ ସ୍ଵୟଂ ବ୍ରହ୍ମା ll
ସର୍ବ ଶିଳ୍ପ ଶାସ୍ତ୍ରର ଜ୍ଞାତା l
        ତୁମ୍ଭେ ତ ବିଶ୍ଵର ନିର୍ମାତା ll
ଶିଳ୍ପୀଙ୍କ ଗୁରୁ ଶିଳ୍ପୀ ସ୍ରଷ୍ଟା l
      ତୁମ୍ଭେ ତ ଶିଳ୍ପୀଙ୍କ ଦେବତା ll
ତୁମ୍ଭେ ସୃଜିଲ ଇନ୍ଦ୍ରପୁରୀ l
        ଅମରାବତୀ ସେ ନଗରୀ ll
ତୁମ୍ଭେ ସୃଜିଲ ପୁଣି ସଭା l
        ଇନ୍ଦ୍ରପ୍ରସ୍ଥରେ ମନଲୋଭା ll
ସୃଜିଲ ସ୍ଵର୍ଣ୍ଣମୟୀ ଲଙ୍କା l
          ସୁବର୍ଣ୍ଣ ପ୍ରାଚୀର ପରିଖା ll
ଦ୍ଵାରକା ଶ୍ରୀକୃଷ୍ଣ ନଗରୀ l
        ଅପୂର୍ବ ଅତି ମନୋହାରୀ ll
ବର୍ଦ୍ଧକୀ ବେଶରେ ଅଇଲ l
           ଚତୁର୍ଦ୍ଧା ମୁରତୀ ଗଢ଼ିଲ ll
କୁଳରେ ଜନମ ଧରମା l
      କୋଣାର୍କ ଶିଳ୍ପୀଙ୍କ ଗାରିମା ll
ନମସ୍ତେ ସଂଜ୍ଞାଙ୍କର ତାତ l
         ତୁମ୍ଭର ଜାମାତା ଆଦିତ୍ୟ ll
ନମସ୍ତେ ପ୍ରଭୁ ବିଶ୍ୱସ୍ରଷ୍ଟା l
           ନାମ ତୁମ୍ଭର ପୁଣି ତ୍ଵସ୍ଟା ll
ନମସ୍ତେ ପ୍ରଭୁ ଦେବଶିଳ୍ପୀ l
       ସର୍ବ ନିର୍ମାଣେ ଅଛୁ ବ୍ୟାପୀ ll
ଅପୂର୍ବ ମହିମା ତୁମ୍ଭରି l
          କେ ବର୍ଣ୍ଣି ପାରିବ ବିସ୍ତାରି ll
କନ୍ୟା ସଂକ୍ରାନ୍ତି ଜନ୍ମ ତୋର l
       ହେ ପ୍ରଭୋ ନିର୍ମାତା ବିଶ୍ଵର ll
ମରତେ ବାଜେ ଆଜି ବାଜା l
          ବିଶ୍ୱକର୍ମାଙ୍କ ବିଶ୍ୱେ ପୂଜା ll
ନମସ୍ତେ ପ୍ରଭୁ ବିଶ୍ବଯନ୍ତ୍ରୀ l
        ଯନ୍ତ୍ରୀଏ ତୋ ପଦେ ନମନ୍ତି ll
ନିହାଣ ମୁଗୁର ତୋ ହସ୍ତେ l
         ନମସ୍ତେ ନମସ୍ତେ ନମସ୍ତେ ll
             🙏🙏🙏
                 ଅର୍ଜୁନୀ
              ----------------
ଅର୍ଜୁନୀ ଚରଣ ବେହେରା
ମୋ -7693091971