ନମସ୍ତେ ଲକ୍ଷ୍ମୀ ଠାକୁରାଣୀ

    ନମସ୍ତେ ଲକ୍ଷ୍ମୀ ଠାକୁରାଣୀ     
      =============
ନମସ୍ତେ ଲକ୍ଷ୍ମୀ ଠାକୁରାଣୀ l
       ମାଆଲୋ ବିଷ୍ଣୁଙ୍କ ଘରଣୀ ll
କମଳ ବାସିନୀ କମଳା l
      କଣ୍ଠେ ତୋ କମଳର ମାଳା ll
ରତ୍ନ ମୁକୁଟ ଶିରେ ଶୋହେ l
     କୋଟିଏ ଜନ ମନ ମୋହେ ll
କର୍ଣ୍ଣରେ କୁଣ୍ଡଳ ସୁନ୍ଦର l
      ତୋ ଲାଗି ସୁନ୍ଦର ସଂସାର ll
ହସ୍ତେ ଶୋଭଇ ଶଙ୍ଖ ଚକ୍ର l
        ବାହନ ତୋହର ପେଚକ ll
ନମସ୍ତେ ସାଗର କନ୍ୟକେ l
       ସୁବର୍ଣ୍ଣ କାନ୍ତି ତୋ ଝଟକେ ll
ନମସ୍ତେ ବରୁଣ ନନ୍ଦିନୀ l
        ପାଳୁ ମା ଚରାଚର ପ୍ରାଣୀ ll
ନମସ୍ତେ ଅଲକ୍ଷ୍ମୀ ଅନୁଜା l
      ବିଶ୍ୱ କଲ୍ୟାଣୀ ବିଶ୍ୱ ପୂଜ୍ୟା ll
ନମସ୍ତେ ଶଶାଙ୍କ ଭଗିନୀ l
      ମାଆ ତୁ ଐଶ୍ୱର୍ଯ୍ୟ ଦାୟିନୀ ll
କରେ ଦର୍ଶନ କରି ତୋତେ l
         ପ୍ରାଣୀଏ ସ୍ମରନ୍ତି ପ୍ରଭାତେ ll
କମଳ ମୁଖି କମଳିନୀ l
           ରମା ତୁ ଜଗତ ଜନନୀ ll
ଜଗଜ୍ଜନନୀ ମହାମାୟୀ l
         ଇନ୍ଦିରା ଲୋକମାତା ତୁହି ll
ବାର ତୋ ମାତ ଗୁରୁବାର l
      ମାସ ତୋ ଶ୍ରେଷ୍ଠ ମାର୍ଗଶୀର ll
ନମସ୍ତେ ଚଞ୍ଚଳୀ ଚଞ୍ଚଳା l
        ଚାଣ୍ଡାଳୀ ଐଶ୍ୱର୍ଯ୍ୟ ଲଭିଲା ll
ଶ୍ରୀମୟୀ ବୋଲାଉ ସଂସାରେ l
         ପୁଜନ୍ତି ଦେବ ନାଗ ନରେ ll
ତୋ ଦାନେ ଧନ ଜନ ବୃଦ୍ଧି l
        ପ୍ରାଣୀଙ୍କୁ ଦେଉ ମା' ସୁବୁଦ୍ଧି ll
କୁବୁଦ୍ଧି ଜନେ ପରିତ୍ୟଜୁ l
           ପବିତ୍ର ସ୍ଥାନରେ ବିରାଜୁ ll
ନମସ୍ତେ କ୍ଷୀରାବ୍ଧୀ ତନୟା l
           ପ୍ରାଣୀଙ୍କୁ ରଖିଥିବୁ ଦୟା ll
ପଡ଼ିଦାତ୍ରୀ ମା' ଏ ସଂସାରେ l
      ପାଦେ ତୋ ନମଇଁ ଭକ୍ତିରେ ll
              🙏🙏🙏
                  ଅର୍ଜୁନୀ
                -----------
ଅର୍ଜୁନୀ ଚରଣ ବେହେରା
ମୋ -7693091971