ନମସ୍ତେ ଗୀତେ ସୁଗୀତେ

ନମସ୍ତେ ଗୀତେ ସୁଗୀତେ ସର୍ବ ଶାସ୍ତ୍ରମୟୀ l

  ସର୍ବଶାସ୍ତ୍ର ସାର ଗତି ମୁକ୍ତି ମୋକ୍ଷଦାୟୀ ll

ଶ୍ରୀ ଭଗଵାନଙ୍କ ମୁଖ ନିଃସୃତ ଏ ବାଣୀ l

 କୁରୁକ୍ଷେତ୍ର ଧର୍ମକ୍ଷେତ୍ରେ ପାର୍ଥ ଥିଲେ ଶୁଣି ll

ଅସ୍ତ୍ର ତେଜି ବସିଥିଲେ ବିଷାଦେ ଅର୍ଜୁନ l

   ଶୋକ ଗଦଗଦ ମୋହାବିଷ୍ଟ ଭଗ୍ନମନ ll

କର୍ମ ଧର୍ମ କର୍ତ୍ତବ୍ୟ ବୁଝାଇ ଭଗବାନ l

   କରାଇଲେ ପାର୍ଥେ ବିଶ୍ୱ ରୂପ ଦରଶନ ll

ଗୀତାସାର ବାଣୀ ଶୁଣି ମୋହ ତୁଟିଗଲା l

   ନିମିତ୍ତ ମାତ୍ର ମୁଁ ଜାଣି ଗାଣ୍ଡୀବ ଧରିଲା ll

ସର୍ବଶାସ୍ତ୍ର ଜ୍ଞାନେ ପୂର୍ଣ୍ଣ ଗୀତା ଗ୍ରନ୍ଥସାର l

Advertisement

>   ତତ୍ତ୍ୱ ଶୁଣି ଜୀବୋନ୍ମୁକ୍ତ ଲଭଇ ନିସ୍ତାର ll

ବେଦୋପନିଷଦ ଜ୍ଞାନ ଗୀତାରେ ଗ୍ରଥିତ l

     ସର୍ବଗ୍ରନ୍ଥ ଦଧି ଯଥା ଲବଣୀ ମଥିତ ll

ଉପନିଷଦ ଓ ବେଦ ଗାଭୀମତେ ମିଳି l

   ଗୋପାଳନନ୍ଦନ କୃଷ୍ଣ ଦୋଗ୍ଧା କୁତୁହଳି ll

ଗାଭୀ କଲେକ ଦୋହନ ବତ୍ସା ପାର୍ଥବୀର l

  ପିଇଲେ ସେ ସୁଧାରସ ଗୀତାମୃତ ସାର ll

ରୁଉଚୁ ନରୁଚୁ ନରେ ଖାଅ ସର୍ବେ ପିତା l

    ବୁଉଝୁ ନ ବୁଝୁ ପଢ଼ ଭଗବତ୍ ଗୀତା ll

ପରମଶାସ୍ତ୍ର ଅଭ୍ୟାସେ ମାୟାଗ୍ରନ୍ଥି ତୁଟେ l

  ସର୍ବଶାସ୍ତ୍ରମୟୀ ଗୀତା ନମସ୍ତେ ନମସ୍ତେ ll