ନିରବତା
ନିରବତା
ନିରବତା
ନୁହେଁ ଦୁର୍ବଳତା
ମନ ଓ ଶରୀର ପାଇଁ
ଏକ ଆବଶ୍ୟକତା
ନିରବତାର ଶୂନ୍ୟତା
ସକଳର ସୃଷ୍ଟିକର୍ତ୍ତା ||
ଅନ୍ତରୀକ୍ଷରେ ନିରବତା
ସୃଷ୍ଟି କରିଛି ନୀହାରିକା
କେତେ ଶାନ୍ତ କାନ୍ତ
ଲାଗୁଥିବ ସତେ
ସେ ମହାକାଶର ଶୂନ୍ୟତା!
ଶୂନ୍ୟତା ଓ ନିରବତା
ଆଣିଦିଏ ପୂର୍ଣ୍ଣ ଏକାଗ୍ରତା
ଆତ୍ମା ସଙ୍ଗେ ପରମାତ୍ମାର ସମ୍ପର୍କ
ଗଢିତୋଳେ ଚିନ୍ତା ଚୈତନ୍ୟର ଏକତା
ଜୀବନର ପ୍ରତିଟି କର୍ମେ ରଚେ ସଫଳତା||
ଯିଏ ପାଳୁଥାଏ ନିରବତା
କହିବା ପୂର୍ବରୁ କରେ ସେ ଗଭୀର ଚିନ୍ତା
ବକ୍ତବ୍ୟର ଭାବାର୍ଥର ପ୍ରକୃତ ସତ୍ୟତା
କରିବା କହିବା ଆଗୁ
ନିରବେ ଖଟାଏ ତା ବୁଦ୍ଧିମତ୍ତା ||
ନିରବତା ପାଳୁଥିବା ଜନ
ମତ ଦିଏ ଅତି ମୂଲ୍ୟବାନ
ବୋକା ନୁହେଁ ଖୁବ୍ ବୁଦ୍ଧିମାନ
ଭାବ ଲାଜକୁଳା କହେନାହିଁ ବୋଲି ମୂଲ୍ୟହୀନ||
ପାଶେ ତାର ଧୈର୍ଯ୍ୟ ସୀମାହୀନ
ହିମାଳୟ ସମ ଆତ୍ମବିଶ୍ୱାସମାନ
ପ୍ରଚଣ୍ଡ ଧୀ କରିବାକୁ ବିଶ୍ଳେଷଣ
ଦକ୍ଷତାମାନ କରିବାକୁ ନିଜ କର୍ମମାନ
କାହାର ସହାୟତା ନାହିଁ ପ୍ରୟୋଜନ ||
ନୁହେଁ ସିଏ ଅସାମାଜିକ
ଶତ ପ୍ରତିଶତ ସାମାଜିକ
ନିରବେ କରଇ ସବୁ ଉପଯୋଗତକ
ଅସାଧ୍ୟ ସାଧନ କରେ ଶାନ୍ତିର ବାହକ ||
କୋଳାହଳ ପରିପୂର୍ଣ୍ଣ ପୃଥିବୀ ବକ୍ଷରେ
ଶତଚେଷ୍ଟାରେ ମିଳେନି ନିରବତା ଥରେ
ମହାମାରୀ ଆଜି କରିଅଛି ଚେଷ୍ଟା ଥରେ
ମୁହେଁ ତୁଣ୍ଡି ବାନ୍ଧି ବାଧ୍ୟ ସର୍ବେ ରହିବାକୁ ଘରେ ||
ଏହି ଭୟଟିକୁ ସଦା ରଖ ହେ ବୁକୁରେ
ନିରବତା ରକ୍ଷା କର ଏହି ପୃଥିବୀରେ
ଶରୀର ଭିତରେ ବାହାରେ ସବୁଠାରେ
ନିରବତା ପହଞ୍ଚାଇଦେବ ସଫଳତାର ଶୀଖରେ ||