ନିର୍ବାଚନ

ନିର୍ବାଚନ ଋତୁ ଆସିଛି ଗାଆଁକୁ 

ପ୍ରଚାର ପବନ ନେଇ,

ପ୍ରତିଶ୍ରୁତି ବର୍ଷା ବହୁଛି ପ୍ରବଳ

ଭୋଟର ଶରୀର ଛୁଇଁ ।

ଛଳନା ଛତାକୁ ମୁଣ୍ଡରେ ମୁଣ୍ଡେଇ

ପ୍ରଚାରକ ଦଳଦଳ,

ହାତ ଯୋଡି ପ୍ରାର୍ଥୀ ମୁରୁକି ହସୁଛି

ବେକେ ନାଇ ଗେଣ୍ଡୁ ମାଳ ।

ଚିହ୍ନା ଅଚିହ୍ନା ତ ସବୁ ଆପଣାର

କଅଁଳ ମଧୁର କଥା,

ସମାଜ ହିତରେ ସତେ ସମର୍ପିତ

ଦୂରେଇବେ ସବୁ ବ୍ୟଥା ।

ପକେଟର ନୋଟ୍ କିଣିନିଏ ଭୋଟ୍

ମଦ ମାଉଁସକୂ ଦେଇ,

ଭୁଲଇ ଭୋଟର ନିଜ ଅଧିକାର

ମୂଲ୍ୟବୋଧ ଭୁଲି ଯାଇ ।

ନିର୍ବାଚନ ଅନ୍ତେ ପାଗ ହେବ ଭିନ୍ନ

ଓଲଟି ବହିବ ବାଆ,

କଥା କୋଲପର ଚାବି ହଜିଯିବ

ଜଳକା ଦିଶିବ ରାହା ।

ହେ ସମାଜ ଜନ ହୁଅ ସାବଧାନ

ଯେବେ ଅଛି ହସ୍ତେ ବେଳ,

ସଠିକ ପ୍ରାର୍ଥୀକୁ ନିର୍ବାଚିତ କରି

ବଢାଅ ଦେଶର ବଳ ।