ନିମ
ନିମ
କଅଁଳ ପତର ତୋଳି
ହାତପାପୁଲିରେ ଦଳି ।
ଫୁଟଣ ରସୁଣ ତେଲ
ବଢି ଚୁନା ଆଳୁ ମେଳ ।
ଲୁଣ କଞ୍ଚା ଲଙ୍କା ପଡି
ଏବେ ହୁଏ ଚଡଚଡି ।
ଭାଜି ଦେଇ ବାଢି ନେବା
ଭାତ ଡାଲି ପିତା ଦେବା ।
ଲାଗିବ ପାଟିକୁ ପିତା
ସୁଆଦ ତାହାର ଜିତା ।
ଜାଣିଛ ଦେହକୁ ହିତ
ଖାଉନ କାହିଁକି ମିତ ?
ଏବେତ ଯାହାକୁ ଯେତେ
ରାସ୍ତା କଡରେ କେତେ।
ଗଛର ପତର ଭରା
ଆଣି ଦେଇଦେବା ଖରା ।
ଶୁଖିଗଲେ ଗୁଣ୍ଡ କରି
ଡବା ଟିରେ ଦେବା ଭରି ।
ବରଷ କ ଭାଜି ଖାଅ
ନିରୋଗ ରେ ରହୁ ଥାଅ ।
ଦେହ ଚାହେଁ ପିତା ରସ
ପୁଣି ସୁଆଦତା' କଷ ।
ବଢିଯିବ ଆମ ଭୋକ
ଭୁତାଣୁ କୁ ଡରି ଲୋକ ।
କରୋନା ଛାଡ଼ୁନି ବାସ
ଡ଼ରୋଉଛି ମାସ ମାସ ।
ବୃକ୍ଷରେ ଆଦର କରି
ତାର ପତ୍ର ଫଳ ବରି ।
ପ୍ରକୃତି ସୁରକ୍ଷା ପାଇଁ
ଆଗକୁ ଆସିବା ଧାଇଁ ।
ନିମ ଆମ ଡାକ୍ତର
ତାହାକୁ ଆଦର କର ।