ନବଦୁର୍ଗା ସ୍ତୁତି

    

ସର୍ବ ମଙ୍ଗଳ କାରୀଣୀ ଅମ୍ବିକେ ଶଙ୍କରୀ l

ସର୍ବାର୍ଥସାଧିକେ ମାତ ଦେବୀ ମାହେଶ୍ୱରୀ ll

ଅମ୍ବା,ଉମା,ନାରାୟଣୀ,ଗୌରୀ,ହୈମବତି l 

ନବ ରାତ୍ରରେ କରେ ମା ନବ ଦୁର୍ଗା ସ୍ତୁତି ll

ପ୍ରଥମେ ବନ୍ଦିଲି ମୁହିଁ ମାତା ଶୈଳପୁତ୍ରୀ l

ହିମାଳୟ ଗିରି ରାଜ ମେନାଙ୍କ ଦୁହିତ୍ରୀ ll

ଦ୍ୱିତୀୟେ ବନ୍ଦନା କଲି ମା' ବ୍ରହ୍ମଚାରିଣୀ l

ବ୍ରହ୍ନ ବିଦ୍ୟା ପ୍ରଦାୟିନୀ ବ୍ରହ୍ମାଣ୍ଡ ପାଳିନୀ ll

ତୃତୀୟେ ବନ୍ଦିଲି ମୁହିଁ ମାତା ଚନ୍ଦ୍ରଘଣ୍ଟା l

ଘଣ୍ଟା ନାଦେ ଭାଙ୍ଗିଦେଉ ଦର୍ପିଷ୍ଟଙ୍କ ଅଣ୍ଟା ll

ଚତୁର୍ଥେ ବନ୍ଦଇ ମୁହିଁ ମାତା ଶ୍ରୀକୁଷ୍ଣାଣ୍ଡା l

ରାକ୍ଷସ ନିଧନେ ତୋର ହସ୍ତେ ତୀକ୍ଷ୍ଣଖଣ୍ଡା ll

ପଞ୍ଚମେ ବନ୍ଦନା କରେ ଦେବୀ ସ୍କନ୍ଦମାତା l

କାର୍ତ୍ତିକେୟଙ୍କ ଜନନୀ ହିମବନ୍ତ ସୁତା ll

ଷଷ୍ଠରେ ବନ୍ଦିଲି ମୁହିଁ ମାତା କାତ୍ୟାୟନୀ l

କୃଷ୍ଣଙ୍କୁ ଲଭିଲେ ପୂଜି ଗୋପେ ଗୋପାଳୁଣୀ ll

ସପ୍ତମରେ ବନ୍ଦନା ମୋ ମାତା କାଳରାତ୍ରି l

କଉଶଳେ ହରୁ ମାତା କଳା କାଳ ରାତ୍ରୀ ll

ଅଷ୍ଟମେ ବନ୍ଦନାକରେ ମାତା ମହାଗୌରୀ l

ଶ୍ରୀରାମ ଲଭିଲେ ପୂଜି ଜାନକୀ ସୁନ୍ଦରୀ ll

ନବମରେ ସିଦ୍ଧି ଦାତ୍ରୀ ସିଦ୍ଧି ପ୍ରଦାୟିନୀ l

ସିଦ୍ଧିପ୍ରଦେ ତୋ ଚରଣେ କରଇ ଦୟିନୀ ll

ନବ ରାତ୍ରେ ଡାକେ ମାତ ନବଦୁର୍ଗା ବନ୍ଦୀ l

କୃପା କଟାକ୍ଷେ ତରିବି ସଂସାର ବାରିଧି ll