ନାରୀର ତ ସବୁ ଦିନ
ନାରୀର ତ ସବୁ ଦିନ
ନାରୀ ମଧ୍ୟେ ଆତ୍ମା
ପୁରୁଷେ ବି ଆତ୍ମା
ଶରୀର ଭେଦରେ ଦୁଇ,
ମହାନ୍ ଉଦ୍ଦେଶ୍ୟେ
ଗଢିଲେ ଇଶ୍ଵର
ସଂସାରର ସୃଷ୍ଟି ପାଇଁ ।
ଭେଦା ଭେଦ ଜ୍ଞାନ
କରିବାର ପାଇଁ
ତୁମେ କିଆଁ ଆଗଭର,
ପୁଅ ଝିଅ ଏଠି
ସଭିଏଁ ସମାନ
ନାଁହି ପାତର ଅନ୍ତର।
କୋମଳ ଶରୀର
ବହିବି ନାରୀଟେ
ସବୁଠି ସ୍ଥାପିଛି ପାଦ,
ସଭା ସମିତିର
ଆଉ ଲୋଡା ନାହି
କହିବାକୁ ଚାଟୁ ବାକ୍ୟ।
ଆସୁଛି ସେଦିନ
ମହାକାଳୀ ରୂପେ
ଅବତୀର୍ଣ୍ଣା ହେବେ ନାରୀ,
ଅସହାୟା ଶଦ୍ଦ
ବିଲୋପ ହୋଇବ
ହୋଇବେ ସେ ବଳାତ୍କାରୀ"।
ଏହି ଗୋଟେ ଶଦ୍ଦ
ଅଟଇ ଜଘନ୍ୟ
ଡରାଏ ତାକୁ ସମାଜ,
ଆଉ ସବୁ ଡର
ଫିଙ୍ଗି ସେ ଦେଲାଣି
ଫଳାଫଳ ଥରେ ହେଜ।
ସଂସାରୁ ଅସୁର
ପ୍ରକୃତି ବିନାଶ
କରିବା ପାଇଁ ତା ଜନ୍ମ,
ମହିଷା ମାରିବା
ପାଇଁ ଦୂର୍ଗା ହେଲେ
ଅକୁଣ୍ଠିତେ ବିବସନ।
ସବୁଦିନ କେବେ
ରାତି ହୁଏ ନାହିଁ
ସବୁଦିନ କେବେ ଦିନ,
ଆଜି ଯାକୁ ମଣ
ଅବଳା ଦୁର୍ବଳା
କାଲି ହେବେ ବଳୀୟାନ।
ହାତୀ ମଧ୍ୟେ ବଳ
ଏତେ ଥାଏ ବୋଲି
ମନରୁ ଥାଏ ପାଶୋରି,
ଯେବେ ମନେ ପଡେ
ବିନାଶ ସେ ରଚେ
ପ୍ରତିଶୋଧ ନିଏ ଭାରି।
ଏବେଠୁ ସଜାଗ
ହୁଅ ଠିକାଦାରେ
ବେଳେ ଆସେ ସରି ସରି,
ଗୋଟେ ଦିନ ନୁହେଁ
ସବୁ ଦିନ ପାଇଁ
ପୂଜନୀୟା ହେଉ ନାରୀ।