ନାରୀ
ନାରୀ
ଆଜିର ନାରୀକୁ ଅବଳା ଦୁର୍ବଳା
କହି କେ ପାରିବ ଆଉ
ପରୁଷ ସମାଜ ଯା' କରି ନ ପାରେ
କରେ ସିଏ ଚାହୁଁ ଚାହୁଁ ।।
ଚଢେ ନିବିଘ୍ନରେ ହିମାଳୟ ଶୀର୍ଷେ
ଦୃଢେ ଉଡେ ଆକାଶରେ
ଶତ୍ରୁ ସାଥେ ଲଢ଼ି ଶତ୍ରୁ ଜୀବନକୁ
ପେଶିପାରେ ଯମ ପୁରେ ।।
ପୁରୁଷଟି ଯଦି ବୁଦ୍ଧି ବଣା ହୋଇ
ହୋଇଯାଏ ଅପାରଗ
ନାରୀ ବୁଦ୍ଧି ବଳେ ପୁରୁଷର କାମ
ସଫଳ ହୁଅଇ ଆଗ ।।
କ୍ରିକେଟ ହେଉ କି ଫୁଟବଲ ହେଉ
କବାଡି କି ହକି ଖେଳ
ସବୁଥିରେ ଆଜି ନାରୀ ଭାଗ ନେଇ
ଦେଖାଏ ତା କଉଶଳ ।।
ବିଦେଶ ମାଟିରେ ଦେଶର ଗୌରବ
ନାରୀ ପାଇଁ ଆଜି ବଢେ
ଅଲମ୍ପିକ କିବା ଏସିଆ କପେ
ବିଜୟର ଧ୍ବଜା ଉଡେ ।।
ସରକାରଙ୍କର ଅନେକ ଯୋଜନା
ଗଢ଼ା ନାରୀ ହିତ ପାଇଁ
ନାରୀଙ୍କ ଉନ୍ନତି ଦେଶର ଉନ୍ନତି
ଏକଥା ନ ଭୁଲ ଭାଇ ।।
ନାରୀ ଯେଉଁ ଦେଶେ ନିତ୍ୟ ବନ୍ଦନୀୟା
ବନ୍ଦନୀୟା ସେହି ଦେଶ
ମର୍ତ୍ତ୍ୟ ଭୁବନେ ସେ ଦେଶର ଗୌରବ
ବ୍ୟାପିଯାଏ ଦଶ ଦିଶ।।
ଆସ ହେ ସକଳ ମାନବ ସମାଜ
କରିବା ବ୍ରଜ ଶପଥ
ନାରୀର ଉନ୍ନତି କରିବା ପାଇଁକି
ମିଳାଇବା ହାତେ ହାତ ।।