ନ ଥିବ ତମେ ମୋ ସାଥେ
ନ ଥିବ ତମେ ମୋ ସାଥେ
ଦିନେ ନ ଦେଖିଲେ କଥା ନ ଗପିଲେ
ଆଖିକୁ ଆସେନି ନିଦ
ସାରା ଦୁନିଆଟା ଲଅକ୍ ଡାଉନ୍
ସାଜୁଛି ମୋ ପାଇଁ ବାଦ ll 1
ହାତ ଧରି ମୋର ପଥ ଚାଲୁଥିଲ
ପ୍ରେମ କଥା କହି କରି
ଫୁଲ ଅଗଣାର କୋଳେ ଶୋଉଥିଲ
ଆଖିରେ ଇସାରା ମାରି ll 2
ଆଇସକିରିମ୍ ଖାଇବାର ମଜା
ମୁହଁକୁ ମୁହଁ ଭିଡାଇ
ଆଜି ସବୁ ସେଇ କରୋନା ଭୂତାଣୁ
ଦେଇଛି ନିଆଁ ଲଗାଇ ll 3
ଇଛା ହୁଏ ମୋର ଲୁଚି ଲୁଚି ଯାଇ
ରହନ୍ତି ତୁମରି ପାଶେ
ଘରଠୁ ବାହାର ପଇଁତରା ଏଠି
ସଭିଏଁ ପୋଲିସ୍ ବେଶେ ll 4
ଜଳବିନା ମୀନ ତମ ବିନା ମନ
ସବୁ ଲାଗେ ତୁଛ ପରି
ରକତ ମାଂସର ଦେହ ଅଛି ସିନା
ପ୍ରାଣଟା ଗଲାଣି ମରି ll 5
କାହିଁକି ଯେ ଭଲ ପାଇଲି ତମକୁ
ଉଡନ୍ତା ବିମାନ ପଥେ
ଦିନ କେଇଟାରେ ଶବ ମୋ ଉଠିବ
ନ ଥିବ ତମେ ମୋ ସାଥେ ll 6