ମୁଁ ସତୀ ନୁହେଁ
ମୁଁ ସତୀ ନୁହେଁ
ମୁଁ ନୁହେଁ ସତୀ
ନା ମୁଁ ସାବିତ୍ରୀ
କି ନୁହେଁ ମୁଁ ଅନୁସୂୟା
ନା ମୁଁ ଅହଲ୍ୟା।
କେବଳ ଏତିକି ଜାଣିଛି
ମୁଁ ଗୋଟିଏ ହିନ୍ଦୁ ନାରୀ
ମୁଁ ପୂଜା ବ୍ରତକୁ ସମ୍ମାନ ଦିଏ
ମୁଁ ମୋ ପରିବାର ମଙ୍ଗଳ ପାଇଁ
ଓଷା ବ୍ରତ କରେ।
ନା ମୋର ଲାଳସା ଅଛି ନୂଆ ପାଟ ଶାଢୀରେ
ନା ମୋର ଲୋଭ ଅଛି ସୁନା ଅଳଙ୍କାରରେ
ବାସ୍ ଦୁଇପଟ ପାଣି ଚୁଡି ଟୋପାଏ ସିନ୍ଦୁର
ଏହାକୁ ମୁଁ ସ୍ଵର୍ଗ ପାରିଜାତ ବୋଲି ମଣେ।
ହଁ ମୁଁ କିଣି ଦିଏ ପୂଜା ବାହାନାରେ
କିଛି ଶାଢୀ ଆଉ ଚୁଡି
ଆଉ କହିଦିଏ ସାବିତ୍ରୀ ବ୍ରତ କି
ଆଉ କିଛି ବ୍ରତ ପାଇଁ।
ହେଲେ ଥରେ ଭାବି ଦେଖ
ଏ କାୟା ଆଉ ଶରୀର କାହା ପାଇଁ
ସଜେଇ ହେବାକୁ ଆଗଭର
ଏ ପୂଜା ପାର୍ବଣ କାହାର ଶୁଭ ମନାସେ ମୁଁ
ଯଦି ପାଇଗଲ ମୋ ପ୍ରଶ୍ନର ଉତ୍ତର
ତେବେ ଆଉ ଥରେ କହିବନି ମୋତେ
ମୁଁ କୁଆଡେ ଶାଢୀ ଆଉ ଚୁଡି ପାଇଁ ବ୍ରତ କରୁଛି।
ଜାଣିନି ସତୀ ସାବିତ୍ରୀ ହୋଇ ପାରିବି କି ନାହିଁ
ଜାଣିନି ଯମ ସହ ଲଢି ପାରିବିକି ନାହିଁ
ତଥାପି ବି ଜୁଇକି ଗଲା ବେଳକୁ ଆଶା କରିବି
ଟୋପାଏ ସିନ୍ଦୁର ଆଉ ଦୁଇପଟ ଶଙ୍ଖା
ସାଥୀରେ ନେଇ ଯିବା ପାଇଁ।