ମୁଁ ମୋ ଗାଆଁର ସ୍ମୃତି

ମୋ ଘର ମୋ ଗାଆଁର ସେ ନଈକୂଳ

ମୋ ପାଇଁ ଲାଗଇ ସତେ ସରଗପୁର

ମୋ ବାପା ମୋ ମାଆ ମୋ ଭାଇ ଭଉଣୀ

ଜନମ ମାଟି ତା ପବନ ପାଣି

ମୋ ଜୀବନେ ସେ ତ କି ଅମୃତ ଧାର  

ମୋ ଘର ମୋ ଗାଆଁର ସେ ନଈକୂଳ……।।

ମୋ ସାଙ୍ଗ ମୋ ସାଥୀ ମୋ ଖେଳ ପଡିଆ

ଆଜି ବି ସେମିତି ଲାଗେ ନୂଆ ନୂଆ

ମୋ ଗାଁର ମନ୍ଦିର ମୋ ଗୁରୁ ଗୁରୁଜୀ

ମୋ ମନୁ ଆଜିବି ଯାଇନି ହଜି

ହୃଦେ ଅପାସୋରା ସେ ସ୍ମୃତି ମୋହର  

ମୋ ଘର ମୋ ଗାଆଁର ସେ ନଈକୂଳ.…..।।

ମୋ ବାରି ମୋ ବଗିଚା ସେ ବର ଓହଳ

ଆଜି ବି ସପନେ ଚିତ୍ର ଆଙ୍କେ ତାର

ଅଭୁଲା ଛବିତା ଦାନ ପ୍ରକୃତିର

ଆହା କି ସୁନ୍ଦର କି ମନୋହର

ମୋ ମନରେ ଆଙ୍କିଛି ଭକତି ଗାର  

ମୋ ଘର ମୋ ଗାଆଁର ସେ ନଈକୂଳ……।।

ମୋ ଗାଁ ମୁଣ୍ଡର ସେ ଶ୍ମଶାନ ଭୂଇଁ

ମୋ ବାପା ଅଜାଙ୍କର ଜଳିଛି‌ ଜୁଇ

ସେଇଠି ଜଳିବ ମୋ ମର ଶରୀର

ସେ ମୋର ପବିତ୍ର ସରଗ ଦ୍ଵାର

ମୋ ଜନମ ମାଟି ମୋ ଗାଆଁ ସୁନ୍ଦର  

ମୋ ଘର ମୋ ଗାଆଁର ସେ ନଈକୂଳ……।।