**ମୁଁ ଡାକରୋନା ଦେଉଛି ଡାକ**

କରୋନା ଦେଉଛି ଡରାଣ ଏତେ

ସାଥି ନହେବା ପାଇଁ

ହୋଇବ ନାହିଁ ଘରୁ ବାହାର

ଦେଶ ସାରା ଗଲି ଛାଇ ।

ବାପ ନ ଦେଖେ ପୁଅର ମୁଁହ

ପୁଅ ନ ଦେଖେ ବାପ

କରୋନା ଏତେ ଡରାଣ ଦିଏ 

ସଭିଏଁ ଚୁପ୍ ଚାପ୍ ।

ମୁଁହ ଘୋଡାଇ ବୁଲୁଛ ସବୁ

ଦେଖାଅ ପହେଲିମାନ

ଗଲ କୁଆଡେ ଉଭେଇ ସବୁ

ନାଶିବି ତୁମ ଜୀବନ ।

ସାନିଟାଇଜର ସାବୁନ କେତେ

କରିବୁ ବ୍ୟବହାର

ଅପେକ୍ଷାରେ ଅଛି କେତେବେଳେ ତୁ

ମାନିବୁ ମୋ ପାଖେ ହାର ।

ପିଇବୁ କେତେ ଗରମ ପାଣି

କାଢା ଖାଇବୁ କେତେ

ଭିଟାମିନ ସି ଖୋଜି ଖାଇବୁ

ମାରିବୁ ମୋତେ ନାତେ ।

ଛାଡ଼ିବି ନାହିଁ ତୋହର ପିଛା

ଯୁଆଡ଼େ ଯାଉଛୁ ଯା

ସୁବିଧା ଟିକେ ପାଇଲେ ମୁଁ

ତୋ ଜୀବନ ହେବ ସ୍ୱାହା ।

ଚିନିନୁ ମୋତେ ଦେଖାଉ କେତେ

ଶକତି ଅଛି ତୋର

ସାରା ବିଶ୍ୱକୁ ଗ୍ରାସ କରିଛି

ମୁଁ ଗୋଟେ ଛାର ଜର ।

ଲାଜ କି ନାହିଁ ମୁଁହ ଟାଣରେ 

ବଡ଼ାଇ କରୁ ଏତେ

ରୋଗ ରୋଗରେ ନାଶ କରିବି

ମାରିବି ପୁଣି ଭାତେ

ଦେଖିବି ତୋତେ ରଖିବ କିଏ

ବହୁତ କଲୁ ପାପ

ସାରା ସଂସାର ଉସ୍ଛନ କଲୁ

ନାହିଁ ଟିକେ ପଶ୍ଚାତାପ ।