Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Kalyani Nanda

Others

2  

Kalyani Nanda

Others

ମୁଁ ବୁଢା ବରଗଛ

ମୁଁ ବୁଢା ବରଗଛ

1 min
306



ବହୁଦିନରୁ ଶାଖା ପ୍ରଶାଖା ମେଲି,

ଏକା ଏକା ଛିଡା ହୋଇଛି ,

ସମୟ ବିତିଛି, ବହୁତ କିଛି ବଦଳିଛି,

ତଥାପି ଦମ୍ଭର ସହ ମୁଁ ମାଟିକୁ ଭିଡି ଧରି,

ମୁଁ ବୁଢା ବରଗଛ, ଏକା ଏକା ସେମିତି ଛିଡା ହୋଇଛି ।


ଋତୁ ପରେ ଋତୁ ଆସୁଛି, ଯାଉଛି,

ଶ୍ରାବଣର ବର୍ଷାରେ ଭିଜିଛି, ଉତ୍ତପ୍ତ ଖରା ବି ସହିଛି,

ପତ୍ର ଝଡା ରେ ସବୁ ପତ୍ର ଝଡିଛି,

ଥୁଣ୍ଟା ବରଗଛ ମୁଁ ସବୁ ସହି ସେମିତି ଛିଡା ହୋଇଛି ।


ପତ୍ର ଝଡ଼ିଛି, ପୁଣି ନବ କିଶଳୟେ ଶୋଭିତ ହୋଇଛି,

ବିହଙ୍ଗମ କଳରବେ ତାଳ ଦେଇ ଗୀତ ମୁଁ ଗାଇଛି,

ମଳୟ ପବନେ ମୋ ଶୁଷ୍କ ଅବୟବ ଚଞ୍ଚଳ ହୋଇଛି ,

ଫଳ, ପୁଷ୍ପ ର ସମ୍ଭାରେ ମୋ ଶୁଷ୍କ କାୟା ର ରୂପ ବଦଳିଛି,

ଝଡ, ତୋଫାନ କୁ ନ ଡରି, ଦମ୍ଭର ସହ ସବୁ ସହି ,

ମୁଁ ବୁଢା ବର ଗଛ ସେମିତି ଛିଡା ହୋଇଛି ।


ମୋ ସାଂଗ ସାଥୀ ଏ ଧରା ବକ୍ଷୁ ବିଦାୟ ନେଲେଣି ,

ମଳୟ ସାଥିରେ , ଜହ୍ନ ର କିରଣ ମାଖି ମୁଁ ଦିନେ ଗୀତ ଗାଉଥିଲି,

ହେଲେ ଏବେ ନା ଅଛନ୍ତି ମୋ ସାଂଗ, ସାଥୀ ,

ମୋ ସାଥେ ଗୀତ ଗାଉଥିବା ପକ୍ଷୀ ବି ନାହିଁ ,

ମୋ ସ୍ମୃତି, ମୋ ଏକାକୀ ମନର ଗୀତି,

ମୋ ଆଶ୍ରିତ ପକ୍ଷୀ ,ବେଳେ ବେଳେ ମୋ ମନକୁ ଦିଏ ଭୁଲାଇ ,

ଏକା ଏକା ମୁଁ ବୁଢା ବର ଗଛ ,

ସେମିତି ମାଟି କାମୁଡି ଛିଡା ହୋଇଛି ।



Rate this content
Log in