ମୁଖା

ଅଳିକ ଏଇ ଜୀବନ କାଳରେ 

ଅହରହ ଯୁଦ୍ଧ ଚାଲିଥାଏ ମନ ମଧ୍ୟରେ 

ଅନେକ ପ୍ରଶ୍ନର ସମାହାର ଆନ୍ଦୋଳିତ କରେ 

ସୃଷ୍ଟି ହୁଏ ଗୋଲକଧନ୍ଦା! 

ପ୍ରଶ୍ନର ଉତ୍ତର ନ ପାଇ ହୁଏ ମନ ଅବସନ୍ନ

ହଁ, କିଛି ଉତ୍ତର ମିଳେ ଆପଣା ଛାଏଁ

କିଛି ରହିଯାଏ....

"କିନ୍ତୁ" ଉଦ୍ଧୃତ ହେବା ପରେ।

ମୁଖାର ସାହାଯ୍ୟ ଆବଶ୍ୟକ ହୁଏ

ଅଭିନୟ କରେ ଯେ ପ୍ରତି ମୂହୁର୍ତ୍ତରେ

ନୀଳ ବର୍ଣ୍ଣ ଧାରୀ ଶୃଗାଳ ଚତୁରକ

ମହାଧୂର୍ତ୍ତ ପଥେ ପଥେ ଅସଂଖ୍ୟ କଣ୍ଟକ

ସମୟର ଖେଳ ଦେଖ ଲୋ ବଉଳ!

ଯେତେ କୃତ କର୍ମ ଗୋଟି ପରେ ଗୋଟି

ଦିବାଲୋକେ ଧରା ପଡ଼ି ଯାଏ ନାକ କାଟି।