ମୁହଁ ଖୋଲି ସଖି କୁହ

ଯମୁନାକୁ ଆସ ସ୍ନାନ କରିଯିବା

ତଇଳ ହଳଦୀ ଘେନି ,

ଏକୁଟିଆ ମୋତେ ବାଟ ଘାଟ ମନା

କୃଷ୍ଣ ଟାଣିବେ ମୋ କାନି ।

ସଖାମେଳେ ଥିବେ କଦମ୍ବ ଡାଳରେ

ବାଉଥିବେ ତାଙ୍କ ବଂଶୀ ,

ବାରବାର ମୋତେ ଇଶାରା କରିକି

ପାଶରେ ମିଳିବେ ଆସି ।

ମନା ମୋର କିଛି ମାନିବେ ନାହିଁ ସେ

ନେହୁରା ହେଲେ ମୁଁ ଯେତେ ,

ମନ ଭୁଲାଣିଆ କଥା କହି କହି

ଘେନିଯିବେ ତାଙ୍କ ସାଥେ ।

ବଂଶୀ ତାନେ ମନ ମଜ୍ଜାଇ ରଖିବେ

ଯେହ୍ନେ ସମ୍ମୋହନ କରି ,

ବିଷୟର ଜ୍ଞାନ ରହିବ ନାହିଁ ଗୋ

ସମୟଟି ଯିବ ସରି ।

ତାଙ୍କ ଲାଗି ନିତି ଗଞ୍ଜଣା ସହୁଛି

ପଥର କରିକି ଦେହ ,

ସେଥିପାଇଁ ଆଉ କି ଉପାୟ ଅଛି

ମୁହଁ ଖୋଲି ସଖି କୁହ ।