ମୃଣାଳିନୀ ସରାଭାଇ.
ମୃଣାଳିନୀ ସରାଭାଇ.
ଉଣେଇଶି ଶହ ଅଠର ମସିହା
ମେ, ଏଗାର ତାରିଖରେ
ଜନ୍ମ ହୋଇଥିଲ ମହିୟସୀ ନାରୀ
କେରଳ ରାଇଜ ଠାରେ l
ପିତା ସୁବ୍ବ ରାମ ସ୍ୱାମୀ ନାଥନ
ମାନ୍ଦ୍ରାଜ ହାଇକୋର୍ଟ ଓକିଲ
ମାତା ଅମ୍ମୁ ସ୍ୱାମୀ ନାଥନ , ସ୍ୱାଧୀନ
ସାମାଜିକ କର୍ମୀ ଥିଲେ l
ସୁଇଜର ଲାଣ୍ଡ ଡାଲକ୍ରୋଜ ସ୍କୁଲରେ
କଟିଥିଲା ପିଲାଦିନ
ଶାନ୍ତି ନିକେତନେ ରବୀନ୍ଦ୍ର ନାଥ
ଠାକୁର ଙ୍କ ଦିଗ ଦର୍ଶନ l
କଥକକେଲି ଓ ଭାରତ ନାଟ୍ୟମ
ମଣିପୁରୀ ନୃତ୍ୟ ଶିକ୍ଷା
ଆମେରିକାନ ଏକାଡେମୀ ଡ୍ରାମାଟିକ
ଆର୍ଟିସ ରେ ନାମ ଲେଖା l
ଉଣେଇଶିଶହ ପଞ୍ଚସଠି ମସିହା ରେ
ପାଇଲ ପଦ୍ମଶ୍ରୀ
ବୟାନବେ ମସିହାରେ ପଦ୍ମ ବିଭୂଷଣ
ମିଳିଲା ଉପାଧି l
ଚୌରାନବେରେ ସଂଗୀତ ନାଟକ
ଏକାଡେମୀ ଫେଲୋସିପର
ଦୁଇ ହଜାର ତେରରେ କେରଳରେ
ନିଶାଗାନ୍ଧୀ ପୁରସ୍କାର l
ତିନିଶହ ରୁ ଅଧିକ ନାଟକ ଓ
ନୃତ୍ୟ ନିର୍ଦ୍ଦେଶନା ଦେଲ
ଅଠରଶହରୁ ଅଧିକ ଛାତ୍ରଙ୍କୁ
ନୃତ୍ୟ ଶିକ୍ଷା ଦେଇଥିଲ
ମହାନ ନୃତ୍ୟ ଗୁରୁ ନାମରେ ତୁମେ
ବିଶ୍ୱ ବିଖ୍ୟାତ ହୋଇଲ
ମହାନ ଭୌତିକ ବୈଜ୍ଞାନିକ
ସରାଭାଇ ଙ୍କୁ ବିବାହ କଲ l
ନୃତ୍ୟ ଜଗତର ଉଜ୍ଜଳ ତାରକା
ଜଗତକୁ ମୁଗ୍ଧ କରି
ଦୁଇ ହଜାର ଷୋହଳ ମସିହାରେ
ଚାଲିଗଲ ସ୍ବର୍ଗପୁରୀ l
ନୃତ୍ୟ ଜଗତର ଅନନ୍ୟ ପ୍ରତିଭା
ହୋଇଗଲ ଅସ୍ତମିତ
ତୁମ ଯଶ କୀର୍ତ୍ତି ଅମର ରହିଛି
ଝୁରୁଛି ସାରା ଜଗତ l