ମୋ ଓଡ଼ିଶା (ଭାଗ-୦୮)

ଉଣେଇଶ ଛତିଶ ଏପ୍ରିଲ ପହିଲା

ସ୍ବତନ୍ତ୍ର ଓଡିଶା ରାଜ୍ୟ ଗଠନ ହେଲା ।

ଭାଷା ଭିତ୍ତିରେ ହେଲା ଏ ରାଜ୍ୟ ଆମର

ଭାଷା ଆମ ଭାରି ମିଠା ଭାରି ସୁନ୍ଦର ।

ରାଇଜର ରାଜଧାନୀ ଭୁବନେଶ୍ବର

ମନ୍ଦିରମାଳିନୀ ସେତ ଭାରି ସୁନ୍ଦର ।

ବିତିଲାଣି ଏଭିତରେ କେତେ ବରଷ

ସବୁଦିଗେ ରାଇଜ ମୋ କରେ ବିକାଶ ।

ତିରିଶଟି ଜିଲ୍ଲାରେ ମୋ ରାଜ୍ୟ ବିଭକ୍ତ

ଅଶି ପ୍ରତିଶତ ଲୋକ ଆମ ଶିକ୍ଷିତ ।

ଲୋକସଂଖ୍ୟା ଆମ ଚାରିକୋଟିରୁ ବେଶି

ଧନ ନୁହେଁ ମନ ଜିଣି ହେଉରେ ଖୁସି ।

ଗାଡି ମଟର ପାଇଁକି ରାସ୍ତା ସୁବିଧା

ଅଛି ରେଳ ଯୋଗାଯୋଗ ବିମାନ ସେବା ।

ସ୍ବାସ୍ଥ୍ୟ ଶିକ୍ଷା ସବୁଥିରେ ଆମେ ଆଗରେ

ଆଗୁଆ ଆମେବି ଏବେ କ୍ରୀଡା କ୍ଷେତ୍ରରେ ।

ପୁରୁଷ ଙ୍କ ପରି ଏଠି ଆଗୁଆ ନାରୀ

ରାଜନୀତି କ୍ଷେତ୍ରେ ନାରୀ ସକ୍ରିୟ ଭାରି ।

ଜୀବନର ରଙ୍ଗ ଏଠି ଆଖିଝଲସା

ଓଡିଶା ଓଡିଶା ମାଆ ମୋର ଓଡିଶା ।