ମୋ ଦେଶ ଭାରତ
ମୋ ଦେଶ ଭାରତ
ସାରା ବିଶ୍ୱରେ ମୋ ଦେଶ ଭାରତ
ଗୌରବ ଯାହାର ଚିର ଶାଶ୍ୱତ।
ବହିଯାଏ ଗଙ୍ଗା ଯମୁନା ନଈ
ପାଦକୁ ତାହାର ଦିଅଇ ଧୋଇ।
ପ୍ରାକୃତିକ ସୌନ୍ଦର୍ଯ୍ୟରେ ଭରପୁର
ମନ୍ଦିର ମାଳିନୀ ଭୁବନେଶ୍ୱର।
ହିମାଳୟ ଯାର ମଉଡ଼ ମଣି
ପୁରିଅଛି ଯହିଁ ଖାଦାନ ଖଣି।
ଆମଦେଶ ପାଇଁ ଆମେ ଗର୍ବିତ
ହସି ହସାଇବା ସାରା ଜଗତ।
ଆଗାମୀ ଦିନର ନୂଆ ଅତିଥି
ଆସ ଆମେ ହେବା ସରବେ ସାଥୀ।
ବନ୍ଧୁର ପଥେ କରି ଅଭିଯାନ
ମୁକ ମୁଖେ ଫୁଟାଇ ଭାଷାମାନ।
ମେଘରେ ବିଜୁଳି ପରିକା ଆମେ
ଚମକାଇ ଦେବା ଭାରତ ଭୂମେ।
ରଖିବା ଦେଶ ଓ ଜାତିର ମାନ
ପ୍ରବାସୀ ହେବାକୁ ନ କରି ମନ।
ନିଜ ଦେଶ ଖଣି ଖାଦାନେ ଖଟି
ଉନ୍ନତ କରିବା ଭାରତ ମାଟି।