ମୋ ଅନୁଭୂତି
ମୋ ଅନୁଭୂତି
ଅନୁଭୂତିରୁ ମୁଁ ଯେତିକି ଜାଣିଛି
ପୁରା ଅଜବ ଏ ଦୁନିଆ
ନାହାଁନ୍ତି କେ ଏଠି ଆପଣାର ଲୋକ
ମିଛ ସ୍ଵାର୍ଥେ ସବୁ ଗୋଳିଆ l
କାୟା ବିସ୍ତାରିଛି ସ୍ୱାର୍ଥର ଅଳନ୍ଧୁ
ମାନବିକତାକୁ ଆଡ଼େଇ
ମିଛ ପାଖେ ସତ ବନ୍ଧା ପଡ଼ିଅଛି
ସମ୍ପର୍କର ଆଳ ଦେଖାଇ l
ବଦଳି ଯାଇଛି ମଣିଷ ସ୍ଵଭାବ
ବେଶଭୁଷା ଚାଲି ଚଳନ
ଚିହ୍ନା ଚେହେରା ବି ଅଚିହ୍ନା ଲାଗୁଛି
ତୁଚ୍ଛ ଲାଗେ ସବୁ ବନ୍ଧନ l
କ୍ଷଣ ଭଙ୍ଗୁର ଏ ମଣିଷ ଜୀବନ
ଛାତିରେ ତା' ଅନେକ ବ୍ୟଥା
ସତ ମୁଁ କହୁଛି ମୋ ଅନୁଭୂତିରୁ
ଏଇତ ଏ ସଂସାର କଥା l
ମାନ ଅଭିମାନ ହିଂସା ଦ୍ୱେଷଭାବ
ହୃଦୟରୁ ଦିଅ ଦୂରେଇ
ଭାଇଚାରା ଡୋରେ ସମସ୍ତଙ୍କୁ ବାନ୍ଧି
ପରକୁ ନିଅ ଆପଣେଇ l
ତିକ୍ତ ଅନୁଭୂତି ମନୁ ଭୁଲିଯାଇ
କଲ୍ୟାଣ କାର୍ଯ୍ଯେ ଦିଅ ଧ୍ୟାନ
ମିଠା ଅନୁଭୂତି ଜୀବନେ ସାଉଁଟି
ସାର୍ଥକ କର ତନୁମନ l