ମୋ ଆଈ

ଆଈ ପରି ମୋର କିଏ ସେ ହେବ 

ମୋ ଯିବା ବାଟକୁ ଅନାଇଥିବ 

ଆରିସା କାକରା ଆଚାର ବଡି 

ଥରକୁଥର ସେ ଖୁଆଉଥିବ 

ଆଈ ପରି ମୋର କିଏ ସେ ହେବ ।।

ଆଈ ପରି ମୋର କିଏ ସେ ହେବ 

ମୋ ଅଳି ଅଝଟ ସେ ସହୁଥିବ

ସୁନ୍ଦର ସୁନ୍ଦର କାହାଣୀ କହି 

ସଦା ଗେଲ ମୋତେ ସେ କରୁଥିବ 

ଆଈ ପରି ମୋର କିଏ ସେ ହେବ ।।

ଆଈ ପରି ମୋର କିଏ ସେ ହେବ 

ମୋ ଗୀତ ଶୁଣି ସେ ଖୁସି ହୋଇବ 

ସଦା ମୋ ଉପରେ ଆଶିଷ ଢାଳି 

ମୋର ଉନ୍ନତିକୁ ମନାସୁଥିବ 

ଆଈ ପରି ମୋର କିଏ ସେ ହେବ ।।

ଆଈ ପରି ମୋର କିଏ ସେ ହେବ 

ମୋର କଥାକୁ ସେ ମାନୁଥିବ 

ଫେରିଲାବେଳେ କାନ୍ଦକାନ୍ଦହୋଇ

ଦାଣ୍ଡ ଦୁଆରରୁ ବିଦାୟ ଦେବ 

ଆଈ ପରି ମୋର କିଏ ସେ ହେବ ।।