ମନ୍ତ୍ର ହେଉ ଧର୍ମର ଜୟ
ମନ୍ତ୍ର ହେଉ ଧର୍ମର ଜୟ
ବିଶ୍ବରେ ମୋ ଭାରତବର୍ଷ ବାଣ୍ଟିଛି
କେତେ ଶାନ୍ତି ବାର୍ତ୍ତା
ଯୁଗେ ଯୁଗେ ତାହାର ଅଛି ସତ୍ୟ
ଧର୍ମ ପ୍ରତିଷ୍ଠାର ଗାଥା ।
ଭିନ୍ନ ଭିନ୍ନ ରୂପରେ ଆସନ୍ତି ଦୁଷ୍ଟଂକୁ
ସଂହାରିବାକୁ ଏହି ସଂସାରରେ
ସେହି ମଧ୍ୟରୁ ଏକ ରୂପ ଧରି ଆସନ୍ତି
ଦୂର୍ଗା ମା ଏହି ପୃଥିବୀ ପୃଷ୍ଠରେ ।
କର୍ମକୁ ନିଜର ଧର୍ମ ମନେ କରି, ମଣିଷ
କାର୍ତ୍ତବ୍ୟ କରି ପାରିଲେ
ଆସେ ତ ଜୀବନେ ଶାନ୍ତି, ପରିଶ୍ରମରେ
ସବୁ ସମୟ ବିତାଇଲେ ।
ପରଶ୍ରୀକାତରତା ହିଂସା ଈର୍ଷା ଦ୍ବେଷ କୁ
ଦୂରେଇ ଦେଲେ
ପ୍ରକୃତ ବିଜୟ ହୁଏ ସେବା ସ୍ନେହ ପ୍ରେମ
ସବୁକୁ ଆଦରିଲେ ।
ମା ଦୁର୍ଗା ଆସେ ଧରାକୁ ଭରିବାକୁ ସାହାସ
ହୋଇ ଦୁଷ୍ଟ ସଂହାରିଣୀ
ଚଳ ଚଂଚଳ ହୁଏ ସାରା ଦେଶର ମାଆ
ଜାୟା କନ୍ୟା ଭଗିନୀ ।
ଏହି ଦିନ ରାବଣକୁ କଲେ ପରାହତ ପ୍ରଭୁ
ରାମଚନ୍ଦ୍ର ନିଜ ହସ୍ତେ
ଭୀଷ୍ମ ଦ୍ରୋଣ କର୍ଣ୍ଣ କୃପା ଅଶ୍ୱତ୍ଥମା ହେଲେ
ନିହତ ନିଜ ଅନ୍ୟାୟରୁ ମହାଭାରତେ ।
ଆଜିର ସମାଜ ଭିତରେ ରାବଣ ପରି ରହି
ଅଛନ୍ତି ବହୁତ ଦୁଷ୍ଟ
ସଂହାର କରିବାକୁ ଦୁଷ୍ଟଂକୁ ସାହାସ ଦିଅ ମା
ସେ ସବୁକୁ କରିଦେବେ ନଷ୍ଟ ।
ଧର୍ମ ଆଜି କାନ୍ଦୁଛି, ପାପ ହସି ହସି ଵୁଲୁଛି,
ମନ୍ତ୍ର ହେଉ ଧର୍ମର ଜୟ
ସାହାସ ଆସୁ ଏହି ଦିନରେ ସାରା ଜନତାର ,
ପାପକୁ କରିବେ କ୍ଷୟ ।