ମନ ରହିଗଲା ତୁମରି ଠାରେ

ତୁମରି ସେଇ ଅସରନ୍ତି

ଫଗୁଣର ଅବିର ବୋଳା

ଚୋରା ଚାହାଣୀ କୃଷ୍ଣଚୂଡା

ରଙ୍ଗର ପାଖୁଡା ଧାରେ

ଗୋଲାପି ଗୋଲାପି ଓଠ

ଅଧରେ ମନ ରହିଗଲା

ତୁମରି ଠାରେ

ମନେ ପଡେ

ବିତି ଯାଇଥିବା ସେହି

ଅଭୂଲା ସ୍ମୃତିର ପରଶ

ଚୁନା ଚୁନା ତାରା ଫୁଲେ

ମୁକ୍ତା ଝରା ହସ 

ବସନ୍ତର ମୃଦୁମନ୍ଦ ପବନ

କୋଇଲିର କୁହୁ ତାନ

ଶ୍ରାବଣର ବରଷା ଧାର

କହୁଛି କେତେ ଅଭୂଲା

ଗାଥା ଚୁପି ଚୁପି ମନ

କଥା ବଇଁଶୀ ସୁରେ

ମନ ରହିଗଲା ତୁମରି ଠାରେ

ଆସିବକି ଆଉ ଫେରି

ସେଇ ଦିନ

ବୁଣି ଦେଇ ଯିବ ମୁରୁଜ

ଫେରି ଆସ ମିତ

ଫେରି ଆସ

ମନ ରହିଗଲା ତୁମରି ଠାରେ ।