ମମତାମୟୀ

ମାଆଗୋ ମମତାମୟୀ

ମାଆଗୋ ସିନେହମୟୀ

ଅସୀମ ମହିମା ସୁଷମାମୟୀଗୋ

ମାଆଗୋ କରୁଣାମୟୀ ।

ତୁମେ ସରଜିଛ ଏ ସୁନ୍ଦର ଧରା

ତୁମରି ଆଶିଷେ ଏଦୁନିଆ ତୋରା

ଭକତ ର ଦୁଃଖ କରୁଛ ହରଣ

ଘୋର ବିପଦରୁ କରୁଛ ତାରଣ

ମାଆଗୋ ମଙ୍ଗଳମୟୀ ।

ତୁମ ଆଗମନେ ହସଇ ଧରଣୀ

ମୁଖରିତ ହୁଏ ତୁମ ଜୟ ଧ୍ବନି

ପୂଜା ଅରଚନା ବ୍ରତ ଉପାସନା

ପୂର୍ଣ୍ଣ କର ମାଆ ସବୁରି ବାସନା 

ହେ ମାଆ ମୋ ମହାମାୟୀ ।

ତୁମେ ଭରିଦିଅ ପରାଣରେ ଶାନ୍ତି

ତୁମେ ଦିଅ ଶକ୍ତି ତୁମେ ଦିଅ ମୁକ୍ତି 

ଅଶରଣ ଜନେ ଦିଅଗୋ ଶରଣ

ଜଗତ ବନ୍ଦଇ ତୁମରି ଚରଣ

ତୁମରି ନାମକୁ ଧ୍ଯାଇ ।