ମକର

ଦିନ ହୁଅଇ ଲୋ ବକର

"ଆମ ଦିନ କାଳ ଆସିଲାଣି ସରି"

କୁହୁଡି କୁ କହେ କାକର ।

ମକର କ୍ରାନ୍ତି ରୁ ସୂରୁଯ କରନ୍ତି

ଉତ୍ତର ଆୟନ ଯାତ୍ରା

ଶୀତ ଛାଡି ଯାଏ ବଢିବଢି ଯାଏ

ପବନର ତାପମାତ୍ରା।

ମକର ଠାରୁ ତ ରାତି ହୁଏ ଛୋଟ

ବଡ଼ ହୋଇ ଆସେ ଦିନ

ଚୁପିଚୁପି ବହେ ଚଇତି ପବନ

ଉଲୁସି ଉଠଇ ମନ ।

ପତ୍ରଝଡ଼ା ସବୁ ଗଛ ଦେଇଥାନ୍ତି

କଅଁଳେ ପତର ନୂଆ

ନୂଆ ପତରରେ ଭରିଗଲେ ଗଛ

ରଙ୍ଗ ଲାଗେ ମନଛୁଆଁ ।

ଜାତି ଜାତି ଫୁଲ ‌ବନ ଉପବନେ

ରଙ୍ଗ ର ତ ହାଟ ବସେ

 ମହକ ମହକି ଦିଗ ଚଉଦିଗ

ମହମହ ହୋଇ ବାସେ ।

କୁନା କୁନି ଆମେ ଫୁଲ ଙ୍କୁ ତ ଦେଖି

ମନେମନେ ସବୁ ଭାବୁ

ଫୁଲ ପରି କାଲି ମହକ ବୁଣିବୁ

ଆମେ ଯେବେ ବଡ଼ ହେବୁ ।