Hurry up! before its gone. Grab the BESTSELLERS now.
Hurry up! before its gone. Grab the BESTSELLERS now.

ଅଜୟ କୁମାର Ajaya Kumar ବେହେରା Behera

Others


4.5  

ଅଜୟ କୁମାର Ajaya Kumar ବେହେରା Behera

Others


ମକର ସଂକ୍ରାନ୍ତି

ମକର ସଂକ୍ରାନ୍ତି

1 min 336 1 min 336


ହେବ ଶୀତ ଅନ୍ତ ବଢିବ ଉତ୍ତାପ

   ମକର ସଂକ୍ରାନ୍ତି ପରେ ।

ବକ୍ର ଗତି ହେବ ସୂର୍ଯ୍ୟ ଦେବତାଙ୍କ

   ଉତ୍ତରାୟଣ ପଥରେ ।।

ଦିନ ଦୀର୍ଘ ହେବ ଗ୍ରୀଷ୍ମ ବିରାଜୀବ

   ରାତ୍ରୀ ଯିବ କ୍ଷୁଦ୍ର ହୋଇ ।

ସୂର୍ଯ୍ୟ ରଶ୍ମି କ୍ରମେ ପ୍ରଖର ହୋଇବ

   ଗ୍ରୀଷ୍ମ ଋତୁ ନାମ ବହି ।।

ହିନ୍ଦୁ ଶାସ୍ତ୍ର ମତେ ଆମରି ଭାରତେ

   ସଂକ୍ରାନ୍ତି ମାସ ଆରମ୍ଭ ।

ବାର ମାସେ ବାର ସଂକ୍ରାନ୍ତି ମଧ୍ୟରେ

   ଶ୍ରେଷ୍ଠ ମକର ପରବ ।।

ଅମଳ ଋତୁର ସମାପନ ପରେ

   ପ୍ରଥମ ପରବ ଏହି ।

ଆନନ୍ଦ ମନରେ ଉତ୍ସବ ପାଳନ୍ତି

  ସମସ୍ତେ ଏକାଠି ହୋଇ ।।

ବିଭିନ୍ନତା ମଧ୍ୟେ ଏକତା ପ୍ରତୀକ

    ମକର ପର୍ବ ମହାନ ।

ଅଞ୍ଚଳ ଭିତିରେ ଆପଣା ରୀତିରେ

   ନୀତିରେ ହୁଏ ପାଳନ ।।

ଲୌକିକ ମତରେ ଗଙ୍ଗା ଯମୁନାରେ

   ସଂକ୍ରାନ୍ତିରେ ବୁଡ଼ ଦେଇ ।

କୃତ କର୍ମ ଯୋଗୁ ଅତୀତ ପାପକୁ

   ପବିତ୍ର ଜଳରେ ଧୋଇ ।।

ସକଳ ଶକ୍ତିର ଆଧାର ସୁରୁଜ

   ଦେବତାଙ୍କୁ ସର୍ବେ ପୁଜି ।

ମକର ଚାଉଳ ମିଠେଇ ଖାଆନ୍ତି

   ପରସ୍ପର ପ୍ରେମେ ମଜ୍ଜି ।।

ଲକ୍ଷ୍ମୀ ଠାକୁରାଣୀ ବିଷ୍ଣୁ ପୂଜା ପୁଣି

   କରିଥାନ୍ତି କେହି କେହି ।

ଆଶୀର୍ବାଦ ଭିକ୍ଷା କାମନା କରନ୍ତି

   ଶାନ୍ତି ସୁଖ ପ୍ରାପ୍ତି ପାଇଁ ।।

ମକର ପରବ ମେଳା ମଉତ୍ସବ

   ଲାଗି ରହେ କିଛି ଦିନ ।

କ୍ରେତା ବିକ୍ରେତାଙ୍କ ଗହଳି ଚହଳ

   ଯାତ୍ରା ବଡ଼ ମନୋରମ ।।

ବିଭିନ୍ନତା ମଧ୍ୟେ ଏକତାର ଦେଶ

   ଆମରି ଭାରତବର୍ଷ ।

ଆମ ପରମ୍ପରା ସଂସ୍କୃତି ନିଆରା

  ସମଗ୍ର ବିଶ୍ୱରେ ଶ୍ରେଷ୍ଠ ।।


Rate this content
Log in