ମିଠା ମିଠା ପ୍ରେମ
ମିଠା ମିଠା ପ୍ରେମ
ମିଠା ମିଠା ତୁମ ମଧୁର ପରଶ
ମଧୁର ତୁମର ପ୍ରେମ
ଭାରି ମିଠା ଲାଗେ ଓଠରୁ ତୁମର
ଶୁଣିଦେଲେ ମୋର ନାମ I
ବିତିଲାଣି କେତେ ଖୁସିର ଦିବସ
ବିତିଲାଣି କେତେ ରାତି
ତୁମରି ପ୍ରେମର ବରଷାରେ ସଖୀ
ଭିଜୁଛି ମୁଁ ନିତି ନିତି I
ତୁମେ ପ୍ରଣୟର ମିଠା ମିଠା ସ୍ୱର
ପୂ୍ଣ୍ୟତୋୟା ନଦୀଧାର
ମୋପାପ ଆଖିର ମୁଲକ ଗୋ ତୁମେ
ମୋ ନୟନ ଅଶ୍ରୁନୀର I
ତୁମ ଅଭିମାନ ଇନ୍ଦ୍ରଧନୁ ସମ
ରଙ୍ଗିନ କରେ ମୋ ମନ
ହୃଦୟରେ ମୋର ବେପଥୁ ଜଗାଏ
ତୁମରି ଅଝଟ ପଣ I
ଢଳ ଢଳ ତୁମ ଆଖିରେ ଲୋ ସଖୀ
ସପନ କରିଛି ଘର
ତୁମ ଚାହାଣୀରେ ଘାଇଲା ହୁଏ ମୁଁ
ହଜେ ବୟସର ଭାର I
ସମୟଟା ଆଉ ଆଗକୁ ଚାଲୁନି
ସ୍ଥିର ହେଲାଣି ତା ଗତି
ତୁମପାଇଁ ସଖୀ ଅଫୁରନ୍ତ ଖୁସି
ସାଇତିଛି ମୋର ଛାତି I