ମିଠା ମିଛ
ମିଠା ମିଛ
1 min
423
ମିଠା ଅଙ୍ଗୁରୁ ପେନ୍ଥା ଟିଏ ଆଣି
ଦେଵଥିଲା ଆମ କଥା
ଜୀବନେ କିନ୍ତୁ ଆଣି ଦେଲ ତୁମେ
ବାରି ବର କୋଳି ଖଟା।
ବଳେଇ ବଳେଇ ଖୁଆଇବ କହି
ଉପାସରେ ରଖାଇଲ
ହସେଇବ କହି ମିଛରେ ଭଣ୍ଡେଇ
କନ୍ଦେଇ କିଆଁ ମାରିଲ ।
ମୋ ଆଖିରୁ ଲୁହ ନେଇ ସପନ
ଭରିଦେଵ କଥା ଥିଲା
ଆଜି ସେ ଆଖିରେ ଲହୁ ଭରି ଦେଇ
କାହିଁ ମୁହଁ ଛପା ଦେଲ ।
ଏଡିକି ନିଷ୍ଠୁର ଏତେ ନିରାଦର
ମୋ ପାଇଁ ସାଇତିଥିଲ
ବାଟବଣା କରି ଅଚିହ୍ନା ସହରେ
ହାତ ମୋର ଛାଡି ଦେଲ ।
ସାଙ୍ଗଟିଏ ହେବ ଜୀବନ ତମାମ
କହୁଥିଲ ମିଠା ମିଛ
କେତେ ବୋକିଥିଲି ତୁମ ଚଞ୍ଚକତା
ଡାହା ମିଛକୁ ମଣିଲି ସତ।