ମହାବିଷୁବ ସଂକ୍ରାନ୍ତି

ଆସିଛି ଲଗ୍ନ ନବ ବର୍ଷର

ଆଣିଛି ପ୍ରୀତି 

ଆଣିଛି ବି ସାଥେ ଯୁଦ୍ଧର ଭୀତି

ଓଡ଼ିଆ ମନରେ

ଗୁଞ୍ଜେ ଅଧୀରେ

ମାଆର ଭକ୍ତି,

ମନାସେ ଶାନ୍ତି ସାରା ବିଶ୍ୱର,

ପାଳି ସେ ପର୍ବ

ମହାବିଷୁବ ସଂକ୍ରାନ୍ତି |

ରାଇଜେ ଚାଲିଛି ପ୍ରସ୍ତୁତି ପର୍ବ

ଜାଗ ଯଜ୍ଞର ଜଳିବ ଅଗ୍ନି

ସବୁ ଦେବୀପୀଠ ଚଳ ଚଞ୍ଚଳ

ସବୁରି ମନରେ

ଆଶ୍ୱାସନାର ବାଣୀ,

ସବୁ ସମାଧାନ କରିବେ ମାଆ

ସେ ପରା ଅଟନ୍ତି

ଜଗତ ଜନନୀ |

ଚାହିଁ ରହିଛନ୍ତି ଜଗତ ଠାକୁର

ଜଗନ୍ନାଥ ପରା ସେହି,

ନୂତନ ବର୍ଷକୁ ଦେବେ ନୂଆ ଦିଶା

ପ୍ରାଚୁର୍ଯ୍ୟ ଭରିଦେଇ,

ଆଣିବେ ଶାନ୍ତି ସାରା ବିଶ୍ୱରେ

ଯୁଦ୍ଧକୁ ଅପସାରୀ,

ନୂତନ ବର୍ଷ ହେବ ସ୍ମରଣୀୟ

ଭରିବ ହୃଦୟ ପ୍ରତି ଓଡ଼ିଆର

କାଳିଆର କୃପା ପାଇ |