ମେଘ ଉଡିଯାଏ
ମେଘ ଉଡିଯାଏ
1 min
114
ଶୁଖିଲା ଆଷାଢ଼ ଶୁଖିଲା ବିଲ
ମେଘ ମାନୁ ନାହିଁ ବରଷା ବୋଲ ।
ବଉଦ ରୋଷଣୀ ଆକାଶେ ଭାସେ
ମେଘ ଉଡିଯାଏ ଦୂର ଆକାଶେ ।
ଋତୁ ଆନମନା ବରଷା ନାହିଁ
ଗୁଳୁଗୁଳି ଜମା ହେଉନି ସହି ।
ଖରାସାଥେ ଛାଇ ଖେଳୁଛି ଖେଳ
ତଥାପି ବହୁଛି ଦେହରୁ ଝାଳ ।
ତତଲା ପବନ ଟାଣୁଆ ଖରା
ଧାନ ବୁଣାବୁଣି ରହେ ଅଧୁରା ।
ଗଜା ଧାନ କ୍ଷେତେ ଢାଳୁଛି ଲୁହ
ମାଟି ଅଗଣାରେ ନାହିଁ କାଦୁଅ ।
ଆକାଶ କୁ ଚାହିଁ ବସିଛି ଚାଷୀ
କାନ୍ଦି ପାରୁନିକି ପାରୁନି ହସି ।
ରଜ ସରିଗଲା କମୁ ନି ତାତି
ପ୍ରଦୂଷଣଯୋଗୁ ରାଗେ ପ୍ରକୃତି ।
ପ୍ରଦୂଷଣକୁ ତ ପାରିଲେ ରୋକି
ମେଘ ପାରିବନି ଆମକୁ ଠକି ।
ଗଛ ଭରିଦେଲେ ସାରା ଭୂବନ
ଶୋଷିନେବେ ସିଏ ବିଷ ପବନ ।
ବରଷା ହୋଇବ ନିୟମ ମାନି
ହସିବେ ଗରିବ ହସିବେ ଧନୀ ।