Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Lata Behera

Abstract

4  

Lata Behera

Abstract

ମାୟାମୃଗ

ମାୟାମୃଗ

1 min
392



ମାୟା ମୃଗ ପଛେ ଘୋର ବନସ୍ତରେ

    ରାମଚନ୍ଦ୍ର ଧାଇଁ ଥିଲେ

କୁଟୀର ଭିତରେ ଜନକ ନନ୍ଦିନୀ 

     ଜାନକୀ ଅନେଇ ଥିଲେ ।


ସୁନା ଝଲମଲ ସୁନେଲି ରଙ୍ଗରେ

     ସୁବର୍ଣ୍ଣ ଜଡିତ ଦେହ

ଦେଖିଣ ବୈଦେହୀ ହୋଇଗଲେ ଖୁସି

     ଲାଗିଲା ତା ଠାରେ ମୋହ ।


ରାମଙ୍କୁ କହନ୍ତି ସୁବର୍ଣ୍ଣ ମୃଗକୁ 

      ଆଣି ଦିଅ ମୋତେ କାନ୍ତ

ପାଳିବି ତାହାକୁ ଏଇ ମୋର ହସ୍ତେ

     ଦୁଃଖ ମୋ ହୋଇବ ଅନ୍ତ ।


ବାରମ୍ବାର ରାମ ଲକ୍ଷ୍ୟ ଭେଦ ଚ୍ୟୁତ 

      ଅସକତ ଦେହ ହେଲା

ସବୁ ପ୍ରଚେଷ୍ଟା ତ ହୋଇଲା ବିଫଳ 

     ମନେ କ୍ରୋଧ ଉପୁଜିଲା ।


କ୍ଷଣଟିଏ ଆଉ ଡେରି କରିଲେନି

     ଶର ଗୋଟି ଦେଲେ ମାରି

ମରିବା ଆଗରୁ ମାରିଚ ଦଇତ

     ଲକ୍ଷ୍ମଣଙ୍କ ନାମ ଧରି ।


ତ୍ରାହି ଲକ୍ଷ୍ମଣ ତ୍ରାହି ଲକ୍ଷ୍ମଣ ବୋଲିଣ

    ତିନି ଥର ଡାକ ଦେଲା

ରାକ୍ଷାସ ଜନମୁ ପାରି କର ବୋଲି

    ରାମଙ୍କୁ କର ଯୋଡିଲା ।


ଦେଖିଣ ଖୁସିରେ ଶ୍ରୀରଘୁ ନନ୍ଦନ

     ମାରିଚକୁ ମୁକ୍ତି ଦେଲେ 

ରାକ୍ଷାସ ଜନମୁ ରକ୍ଷା କରି ସିଏ 

     ମାୟା ମୃଗ ବଧ କଲେ ।


ଏଇ ମାୟା ମୃଗ ବିଶ୍ରବା ନନ୍ଦନ 

    ରାବଣ ପଠେଇ ଥିଲା 

ସୀତାଙ୍କୁ ହରଣ କଲେ ତା ମରଣ

   ଏଇ କଥା ଜଣା ଥିଲା ।


ଲକ୍ଷ୍ମୀ ନାରାୟଣ ଦ୍ବାରପାଳ ସିଏ

    ଜୟ ତାର ନାମ ଥିଲା

ସପ୍ତ ଋଷି ପୁତ୍ର ଅଭିଶାପ ବଳେ

   ରାକ୍ଷସ ତନୁ ହୋଇଲା ।


ସେ ଅସୁର ତନୁ ମୁକତି ଆଶାରେ

    ମାୟା ମୃଗ ସୃଷ୍ଟି କରି

ରାକ୍ଷସ କବଳୁ ସେ ଜୟ ବିଜୟ 

  ହୋଇଥିଲେ ତ ଉଦ୍ଧରି ।


Rate this content
Log in