ମାଟିର ସନ୍ତାନ
ମାଟିର ସନ୍ତାନ
ମୋ ଦେଶର ମାନ ମୋ ଦେଶର ଧର୍ମ
ଏହା ଠାରୁ ବଳି କିଏ
ମଧୁର ତା ଭାଷା ମଧୁର ତା ପାଣି
ମୃଦୁ ପବନରେ ମୋହେ ।
ପରକୁ କରେ ସେ ଅତି ଆପଣାର
ସହେ ନାହିଁ ଅତ୍ୟାଚାର
ବିପଦକୁ ସିଏ ଛାତିକୁ ଦେଖାଏ
ମନେ ରଖି ଉପକାର ।
ମାଟି ମା" ପାଇଁ ରୁଧିର ବୁହାଇ
ଦେଶକୁ କଲା ସେ ମୁକ୍ତି
ଦେଖ ଦେଖ ଭାଇ ଏ ଦେଶ ବୀରର
କେଉଁ ଭଳି ତା'ର କାନ୍ତି ।
ଶୀତ କାକରକୁ ଭୃକ୍ଷେପ କରେନା
କାନ୍ଧରେ ବନ୍ଧୁକ ଧରି
ସୀମା ପ୍ରାନ୍ତେ ସତେ କାନ୍ଥ ପରି ଛିଡା
ବଇରି ଗର୍ବକୁ ମାରି ।
ସକଳେ ଗରବ କରିବା ଚାଲରେ
ଏ ଭଳି ସନ୍ତାନ ପାଇ
ଦେଶ ମାତୃ ରକ୍ଷା ଯାହାର କର୍ତ୍ତବ୍ୟ
ତା ପଥ ରହିବା ଚାହିଁ ।