ମାଠିଆ
ମାଠିଆ
ମାଠିଆକୁ ପ୍ରଶ୍ନ ପଚାରେ ହଣ୍ଡା
ତୋ'ଜଳପିଇଲେ ଲାଗଇ ଥଣ୍ଡା ।
ଶୀତକିବରଷାଖରାରେ ଆଣି
ମନ ଶାନ୍ତି ଦିଏ ସୁରେଇ ପାଣି ।
ବାଲିଟି,ଡେକିଚି,ଢାଳ କି ଗରା
ସେଥିରେ ପାଣିକୁ ରଖିଲେ ଭରା ।
ଖରାରେ ଗରମ ଲାଗଇ ଜଳ
ତାତିଯାଆନ୍ତି ସେ'ଦେଖାନ୍ତି ବଳ ।
ପାଣିଟାଙ୍କି ପୁଣି କୁଣ୍ଡ କି କଳ
ଗିନାକିତାଟିଆ ଗିଲାସ ଦଳ ।
ବାସନକୁସୁନ ଖରାରେ ତାତି
ରାଗରେ ଜଳନ୍ତି ସଭିଏ ମାତି ।
ମାଠିଆ ଛୁଇଁଲେ ହାତକୁ ସଦା
ଶୀତଳ ଲାଗୁଛ କିପରି ବତା ।
ପଙ୍କରୁ ଆସିଛି ପଙ୍କର ଘଟ
ଥଣ୍ଡା ଦେଉଥିବି ନକରି ହଟ ।
ଦିନେ ସେଇ ପଙ୍କେ ମିସିବି ବୋଲି
ଦେବିନି କସଣ କହୁଛି ଖୋଲି ।