ମାର୍ଗଶୀର

କେଦାର ଶୋଭିତ ଫୁଟି ସର୍ଷପ କୁସୁମ

ହେମଗୋଉରୀ ଆସନ୍ତି ପଡ଼ିଲାଣି ହିମ l

ଗୀତାରେ ପାର୍ଥଙ୍କୁ ପ୍ରଭୁ କହିଲେ ବୁଝାଇ

ମାସମଧ୍ୟେ ମାର୍ଗଶୀର୍ଷ ମାସ ଅଟେ ମୁହିଁ l

ନିଶୀଥ ଆକାଶେ ଉଦେ ଦେଖ ଦିବ୍ୟତାରା

ମାସ ନାମ ମାର୍ଗଶୀର ତାରା ମୃଗଶିରା l

ଆଦ୍ୟମାର୍ଗଶୀରେ ଧିରେ ଆସିଲାଣି ଶୀତ

ସଜ କରି ରଖ ସାଧୁ ଘରେ ଶୀତ ବସ୍ତ୍ର l

ଶିଶିର ରାତିରେ ପଡ଼ି ନାଶିଲା ପଦ୍ମିନୀ

ତଟିନୀ ଶୋଭିତ ଦେଖ ଫୁଟି କମଳିନୀ l

ମାର୍ଗଶୀର ମାସେ ମାତ ଦେବୀ ପଦ୍ମାଳୟା

ପୂଜା ଘରେ ଘରେ ମାଣବସା ବିଷ୍ଣୁଜାୟା l

ଲକ୍ଷ୍ମୀ ପୁରାଣ ଗାଆନ୍ତି ଭକ୍ତ ବଳରାମ

ଲକ୍ଷ୍ମୀଛଡ଼ା ହେଲେ ଜଗନ୍ନାଥ ବଳରାମ l

ମା' ଲକ୍ଷ୍ମୀଙ୍କୁ ଶ୍ରୀମନ୍ଦିରୁ ଦେଇ ଘଉଡ଼ାଇ

ଭିକ୍ଷୁକ ବାର ଦୁଆରେ ହେଲେ ବେନିଭାଈ l

ମାତୃ ଜାତିର ମହତ ରଖିବାକୁ ପୁଣି

ଘରକୁ ଆଣିଲେ ପ୍ରଭୁ ନିଜର ଘରଣୀ l

ଏ ମାସେ କେଶବ ନାମ ମହା ବିଷ୍ଣୁଙ୍କର

ପ୍ରୀୟ ମାସ ତେଣୁ ଏହା ବିଷ୍ଣୁ ପ୍ରିୟାଙ୍କର l

ପକ୍ୱ ଧାନ୍ୟ କ୍ଷେତ ଦେଖି କୃଷକ ହରଷ

ମାର୍ଗଶୀର ଶେଷେ ଆସିଯାଏ ପୁଷମାସ ।