ମାଆ ରଣପୁରେଶ୍ୱରୀ

ରଣପୁର ରାଜ୍ୟ ଉତ୍କଳ ପ୍ରଦେଶେ

  ଶୋଭାର ଭଣ୍ଡାର ଖ୍ୟାତ ଇତିହାସେ l

ସବୁଜ ବନାନୀ, ଝର, ନିର୍ଝରିଣୀ

 ବକ୍ଷଶୋଭା ପୁଣି କେତେ ଗିରିଶ୍ରେଣୀ l

ସେ ପର୍ବତ ମଧ୍ୟେ ମଇନାକଗିରି

    ଶିରେ ଯା' ବସନ୍ତି ରଣପୁରେଶ୍ୱରୀ l

ମାଆ ମଣିନାଗ ଖ୍ୟାତ ଜଗତରେ

      ବିରାଜି ଅଛନ୍ତି ଚକା ଶିଳା ପରେ l

ନାଗ ସପ୍ତଫେଣୀ ମସ୍ତକେ ଶୋଭଇ

    ଆଶିଷଦାୟିନୀ ମା' କରୁଣାମୟୀ l

ଇତିହାସେ ମାଆ ଅଛନ୍ତି କୁଖ୍ୟାତ

     ପିଉଥିଲେ କାଳେ ତାଜା ନରରକ୍ତ l

ସନ୍ତାନ ରୁଧିର ମାଆ କି ପିଇବ 

       ଭିଆଣ ସିନା ଏ ଅଜ୍ଞାନ ମାନବ l

ଅନ୍ଧବିଶ୍ୱାସ ଏ କାଳେ ନାଶଗଲା

      ଦୟାମୟୀ ମାଆ ସନ୍ତାନବତ୍ସଳା l

ମାଆ ମଣିନାଗେ କୋଟି ଦଣ୍ଡବତ

      ଜଗତ ରଖିଥା ଘୋଡ଼ାଇଣ ଘଣ୍ଟ l