ମାଆ ଗୋ ମମତାମୟୀ
ମାଆ ଗୋ ମମତାମୟୀ
ମାଆ ଗୋ ମମତାମୟୀ
ଜନନୀ ମୋର
ପାଦପଦ୍ମେ କରୁଛି ମା
କୋଟି ଜୁହାର ।
ସର୍ବ°ସହା ମାଆ ତୁମେ
କରୁଣାର ମୂରତି
ଜନନୀ ମା ଜନ୍ମଭୂମି
ପୁଣ୍ୟମୟୀ ଧରିତ୍ରୀ
ତୋର ପାଦଧୂଳି ଲାଗି
ମୋ ମଥା ଉଜ୍ଜ୍ୱଳ ।
ତୁ ତ୍ୟାଗ ତପସ୍ୟାର
ପ୍ରାଣମୟୀ ଶକତି
ଜଳୁ ତିଳ ତିଳ ହୋଇ
ସଳିତାଟି ପରିକି
ମୋ ସୁଖ ସମ୍ପଦ ଶୀରି
ତୁ ମୂଳ ଆଧାର ।
ତୋ ଓଠର ହସଟିକେ
ତୋର ଶୁଭ ମନାସ
ଜୀବନେ ମୋ ଭରିଦିଏ
ଆନନ୍ଦ ଓ ଉଲ୍ଲାସ
ଅମୃତ ତୋ ସ୍ନେହଶ୍ରଦ୍ଧା
ଅଭୟ ତୋ କୋଳ ।
ତୁ ଏକା ସାହା ମାଆ
ତୁ ଅଟୁ ଭରସା
ତୋର ପଦେ ଗତିମୁକ୍ତି
ଆଲୋକ ତୁ ଆଶା
ତୋ ପାଦରେଣୁ ତଳେ
ସ୍ୱର୍ଗସୁଖ ସମ୍ଭାର ।