Library
Profile
ମା' ସିଦ୍ଧିଦାତ୍ରୀ
ମା' ସିଦ୍ଧିଦାତ୍ରୀ
ପାର୍ବଣ ଋତୁରେ ପ୍ରୀତି ପରଶୁ ମା'
ନବଦୁର୍ଗା ରୂପ ଧରି
ନବରାତ୍ରୀର ଯେ ଅନ୍ତିମ ପର୍ଯ୍ୟାୟେ
ନାମ ତୋର ସିଦ୍ଧିଦାତ୍ରୀ ।
ନବ ଦିନେ ମାଗୋ ନବ ରୂପ କାନ୍ତି
ଦେଉ ଥାଉ ନବ ବାର୍ତ୍ତା
ସିଦ୍ଧିଦାତ୍ରୀ ମାଗୋ ତୁ ଯେ ମହାମାୟୀ
ପୀଠେ ପୀଠେ ଯେ ପୂଜିତା ।
ଜଗତ ଜନନୀ ସିଦ୍ଧି ପ୍ରଦାୟିନୀ
ପଦ୍ମାସନେ ସୁଶୋଭିତା
ଦିବ୍ୟ ରୂପକାନ୍ତି ତୋର ଜଗଦ୍ଧାତ୍ରୀ
ତୁ ଅଟୁ ଶାନ୍ତି କବିତା |
ଅଙ୍ଗେ ସୁଶୋଭିତ ନାଲିରଙ୍ଗବସ୍ତ୍ର
ନାନାଳଙ୍କାରେ ଶୋଭିତ
ମସ୍ତକେ କିରୀଟ ପୟରେ ନୂପୁର
ଅପୂର୍ବ ତୋ ରୂପ ମାତ ।
ଗଳାରେ ସୁଦୀର୍ଘ ହାର ଲମ୍ବିଅଛି
ଶୁଭ୍ର ପୁଷ୍ପେ ଯେ ସଜ୍ଜିତ
ଅପୂର୍ବ କାନ୍ତିରେ ମୁଖ ମଣ୍ଡଳ ମା'
ହେଉଅଛି ଉଜ୍ଜଳିତ ।
ଚତୁର୍ଭୁଜା ମାଲୋ ଶଙ୍ଖ, ଚକ୍ର, ଗଦା
କମଳ ହସ୍ତେ ଶୋଭିତ
ସୌମ୍ୟ କାନ୍ତି ତୋର ମୁଖମଣ୍ଡଳ ମା'
କଜ୍ଜ୍ୱଳେ ପୁରିତ ନେତ୍ର
।
ଅଷ୍ଟ ସିଦ୍ଧି ଦାତ୍ରୀ ମାଗୋ ଜଗଦ୍ଧାତ୍ରୀ
ବିଦ୍ୟା, ବୁଦ୍ଧି, ଜ୍ଞାନ ଦେଉ
ଦୁଃଖ ଦାରିଦ୍ର୍ୟକୁ ବିନାଶି ମାତା ଲୋ
ଅଭୟ ଯେ ଦେଇ ଥାଉ ।
ଶାନ୍ତି ପ୍ରଦାୟିନୀ ମଙ୍ଗଳ କାରିଣୀ
ଜଗତ କଲ୍ୟାଣୀ ମାତା
ଶିବ ପ୍ରାଣପ୍ରିୟା ଶିବାନୀ ଭବାନୀ
ତୁ ଅଟୁ ଅତି ପବିତ୍ରା ।
ଆଦିଶକ୍ତି ଆଦିମାତା ଗୋ ଜନତା
ସୁଖ ବୈଭବ ର ଦାତ୍ରୀ
ଜଗତ ନିର୍ମାଣ ତୋ ହାତରେ ମାତା
ତୁ ଅଟୁ ମା' ବିଶ୍ଵକର୍ତ୍ତୀ ।
ଅଷ୍ଟସିଦ୍ଧି ଦାତ୍ରୀ ଓହ୍ଲାଇ ଆ ମାଆ
ଧରାରୁ ଅନ୍ୟାୟ ଯାଉ
ସିଦ୍ଧି ପ୍ରଦାୟିନୀ ଅଷ୍ଟସିଦ୍ଧି ଦାନେ
ଏ ଧରା ସୁନ୍ଦର ହେଉ।
ଓହ୍ଲାଇ ଆ ମା' ଅପୂର୍ବ ଠାଣିରେ
ସଭିଙ୍କୁ ମୋହିତ କର
ସିଦ୍ଧି ଦାୟିନୀ ଲୋ ତୋହରି ସ୍ପର୍ଶରେ
ଆସୁରିକ ଶକ୍ତି ହର ।
ତୋ ହାତ ପରଶ ଦେଇ ଦେ ମାଆ ଲୋ
ସନ୍ତାପ ହରଣ ହେଉ
ପାପ ଅପସରି ପୁଣ୍ୟ ମନ୍ଦାକିନୀ
ଏ ଧରାରେ ବହିଯାଉ ।
