Library
Profile
ଲକ୍ଷେ ଶାଳଗ୍ରାମ ରତନ ବେଦୀ
ଲକ୍ଷେ ଶାଳଗ୍ରାମ ରତନ ବେଦୀ
ଜଗତର ନାଥ ପ୍ରଭୁ ଜଗନ୍ନାଥ
ବିଜେ ରତନ ବେଦୀରେ
ଶତଦଳ ପଦ୍ମ ଉପରେ ସେ ବେଦୀ
ନିର୍ମାଣ ଯେ ଶ୍ରୀମନ୍ଦିରେ
ଲକ୍ଷେ ଶାଳଗ୍ରାମ ଶିଳା ସେହିଠାରେ
ହୋଇଛନ୍ତି ଅବସ୍ଥିତ
ସ୍ଵଂୟ ଦାରୁବ୍ରହ୍ମ ବିଜେ ତା ଉପରେ
ଶଙ୍ଖ, ଚକ୍ର, ଗଦା, ହସ୍ତ ।
ବାମରେ ସୁନାରେ ନିର୍ମିତ ଶ୍ରୀଦେବୀ
ଦକ୍ଷିଣେ ରୂପା ଭୂଦେବୀ
ପାର୍ଶ୍ଵରେ ଯେ ସୁଦର୍ଶନ ଶୋଭା ପାଏ
ମଦନ ମୋହନ ମୂର୍ତ୍ତି ।
କଳା ମୁଗୁନି ପ୍ରସ୍ତରରେ ସିଂହାସନ
ଦିଶୁଥାଏ ଝଟ ଝଟ
ଲମ୍ବ ଷୋଳ ଫୁଟ, ପ୍ରସ୍ଥ ତେର ଫୁଟ
ଉଚ୍ଚତା ଯେ ଚାରି ଫୁଟ ।
ସୁନ୍ଦର କାରୁ କାର୍ଯ୍ୟରେ ସିଂ
ହାସନ
ହୋଇଣ ଅଛି ନିର୍ମିତ
ଲୀଳାମୟ ହରି ଅନନ୍ତ ଲୀଳାରେ
ପାଳନ୍ତି ଜନ ଜଗତ ।
ସବୁ ରତ୍ନ ସେହି ସିଂହାସନ ତଳେ
ରହିଛନ୍ତି ଭର ପୁର
ଭାଇ ଭଉଣୀ ଙ୍କୁ ନେଇ ଜଗନ୍ନାଥ
ବିଜେ ତାହାର ଉପର ।
ହାତେ ଧରି ଚକ୍ର, କାଟି ଦୁଃଖ ନକ୍ର
ସଂସାର ରକ୍ଷା କରନ୍ତି
ରତ୍ନ ସିଂହାସନ, ରତନ ବେଦୀ ଯେ
ପୁଣି ରତ୍ନ ଭଣ୍ଡାର ଟି ।
ଯିଏ ମହାରତ୍ନ, ସମଗ୍ର ବିଶ୍ୱର
ତାର ରତ୍ନ ସିଂହାସନ
ଚାରିପଟେ ଥରେ ବୁଲି ଆସିଲେ ଯେ
ଛାଡ଼ଇ ପାତକ ମାନ ।
ବିଚିତ୍ରମୟଙ୍କ ବିଚିତ୍ର ଲୀଳା କୁ
ବୁଝିବାକୁ ନାହିଁ ଶକ୍ତି
ରତ୍ନ ସିଂହାସନ ରତନ ବେଦୀ ଟି
ଦେଖିଲେ ମିଳଇ ତୃପ୍ତି ।
